Ձեր վստահելի աղբյուրը

«Դելիմիտացիան ու դեմարկացիան նրա համար է, որպեսզի հստակ ընդգծվի այն սահմանագիծը, որից այս կողմ Հայաստան է, որից այն կողմ Ադրբեջան է»,-  ԱԺ-ում լրագրողների հետ զրույցում ասաց տարածքային կառավարման և ենթակառուցվածքների նախարար Գնել Սանոսյանը։

Նա նշեց, որ կա որոշակի սահմանագիծ, բայց սահմանազատման հանձնաժողովները պետք է հասկանան, թե որ քարտեզով են աշխատում, այսինքն հասկանան այն իրավական հիմքը, որով այդ գիծը հստակ կգծվի։

«Պետք է երկու կողմի համար ընդունելի իրավական քարտեզ վերցնել, որն էլ այդ գործընթացի համար հիմք կլինի»,-ասաց Գ.Սանոսյանը։

Խոսելով Տավուշում ենթակառուցվածքների փոփոխության մասին, ՏԿ նախարարն ասաց․ «Այդ հատվածներում կան տեղեր, որոնք սահմանագծին շատ մոտ են, որոշ տեղերում գուցե պարզվի, որ հատում են սահմանը։ Դա ենթադրում է, որ որոշ տարածքներում միգուցե վերակառուցելու հարց առաջանա։ Խոսքն այսօրվա գործող ճանապարհի որոշ հատվածների մասին է»:

Լրագրողի հարցին՝ ըստ ՀՀ-ի վարչատարածքային բաժանման, Տավուշի 4 գյուղերը ՀՀ-ին են  պատկանո՞ւմ, ՀՀ   վարչատարածքային բաժանման մե՞ջ են, թե ոչ, նախարարը պատասխանեց․ «Ոչ, խոսքը Հայաստանը 29,800 քկմ-ի մասին չէ»։