Ձեր վստահելի աղբյուրը

«Հասարակությունը պետք է ավելի ականաջալուր լինի ոչ թե ականջահաճո արտահայատություններին, այլ պետք է հարցերին նայել շատ իրատեսական»,-«Ինչպես փոխել Հայաստանն աղետի տանող ընթացքը» քննարկմանն ասաց ԱԳՆ նախկին գլխավոր քարտուղար Վահագն Մելիքյանը։

Ըստ նրա, այս ամենը, ինչ կատարվում է երկու կոմպոնենտ ունի՝ քաղաքական խորը տհասություն և չտեսություն։

«Չտեսությունը... մարդիկ չեն տեսել: Փոքր երեխան էլ, երբ որ չի տեսնում ու երբ հետաքրքիր, գույնզգույն խաղալիք ես ցույց տալիս, անպայման վազում է  հետևից։ Սրանք չտես երեխայի նման վազել են մի հատ քաղցրավենիքի, խաղալիքի ետևից, որի համն այդպես էլ չեն տեսնելու։ Շատ դառն իրականության առջև ենք կանգնած»,- ասաց նա։

Վ. Մելիքյանի խոսքով, ամեն ինչ կատարվում է  բաց քարտերով. «Որևէ մտածված քայլեր չկան, կա ծրագիր, որը պետք է ի կատար ածել։ Այն կողմն այդ ծրագիրը վերցած համառ քայլերով տանում է առաջ։

Ինչ որ կատարվում է, պետք չէ այդտեղ փնտրել Հայաստան և հայ ժողովուրդ։ Կամ Եվրամիության հարցը։ Այստեղ Հայաստանն ու հայ ժողովուրդը որևէ կապ չունեն, կապ ունեն միայն մի հանգամանքով, որովհետև այս տարածքում ցայսօր գտվում է դեռևս ռուսական ռազմաբազան, ցայսօր դեռևս կա ռուսական վերահսկողություն՝ անկախ ամեն ինչի՝ նեղացած են, նեղացած չեն, ինչպես են խոսում իրար հետ, ինչպիսի արձագանքներ կան։ Կա փաստ՝ գետնի վրա կա  ռուսական ներկայություն։ Ռուսական ներկայությունը չպետք է լինի Հայաստանում, Հայաստանն ու հայ ժողովուրդն այս ամբողջ գաղափարախոսության հետ կապված են միայն ու միայն այդ իմաստով։

Այն, ինչ արվում է  այսօր չտեսության ու քաղաքական տհասության արդյունքում, Հայաստանին սպասվում են շատ ավելի աղետալի օրեր»,- ասաց նա։

Վ.Մելիքյանը նշեց, որ եթե այդ ամեն ինչն արվեր Հայաստանի ու հայ ժողովրդի համար, կնստեին, կքննարկեին, կմտածեին՝ «չէ որ մեզ համար է արվում»։

«Բայց էլ ինչ լեզվով բացատրենք, որ դա մեզ համար չի արվում, դուք հերթական անգամ դարձել եք գործիք, որովհեև դուք կորցրել եք ձեր սուբյեկտայնությունն ընդհանրապես, դարձել եք գործիք սրա- նրա ձեռքում, ոնց ուզեն, ձեզ կխաղացնեն։

Ո՞վ է շահեկան դուրս գալիս այս ամեն ինչից։ Միայն ու միայն իշխանությունը, որովհետև ինքը պահպանելու է իշխանությունը, դրա դիմաց ստացել է իշխանությունը պահպանելու երաշխիքը կամ գոնե այդ փոքր խմբի անվտանգության երաշխիքը։ Թե վաղն ինչ է  լինելու հայ ժողովրդի, Հայաստանի հետ... Այն վերածվում է  արդեն անհասկանալի, խուզած Հայաստանի»,- ասաց Մելիքյանը։ 

Մանրամասն՝ տեսանյություն։