Ձեր վստահելի աղբյուրը

«Այսօր շատ հատկանշական օր է պատմության մեջ. այսօր լրանում է 103-րդ տարին այն օրից, երբ Սողոմոն Թեհլերյանը սպանեց Թալեաթ փաշային։ Խորհրդանշական օր է ինձ համար և այս օրը հայկական դատարանի կողմից իմ նկատմամբ արդարացման վճիռ կայացնելը ես համարում եմ այդ խորհրդանշականության շարունակությունը»,- դատարանի որոշման հրապարակումից հետ լրագրողների հետ զրույցում ասաց քաղաքագետ, AntiFake.am-ի հիմնադիր Նարեկ Սամսոնյանը։

Նա նշեց, որ դատավոր Տիգրան Ոսկանյանը վճիռը կայացրել է իր համոզմունքներին, գործի էությանը համապատասխան, ինչը նրա մասնագիտական պարտքն է։

«Այս գործում քաղաքական տարրն ակնհայտ էր, ինչի վերաբերյալ առաջին օրվանից ասվել է»,- նշեց Ն.Սամսոնյանը։

Քաղաքագետը հայտարարեց, որ այսօր Հայաստանում ՀՀ իշխանությունների կողմից քաղաքական հետապնդման են ենթարկվում բացառապես և միայն  քաղաքական նպատակներով. «Քաղաքական նպատակներ են ոչ թե քաղաքական իշխանությանը իշխանությունից զրկելը, այլ այն մարդիկ, ովքեր ենթարկվում են հետապնդման, իրենց քաղաքական նպատակն է Հայաստանը չկորցնելը, Հայաստանի թշնամական իշխանություններին հեռացնելը, որ Հայաստանը մնա, որ իրենց երեխաներն այս երկրում ապրելու ապագա, հեռանկար ունենան։ Այս մարդիկ հետապնդվում են։ Բոլոր այն մարդիկ, ովքեր պայքարում են Հայաստանը չհանձնելու դեմ, քրեական  հանցագործներից շատ հետապնդվում են։

Իմ շատ ընկերների նկատմամբ դեռ շարունակվում են քրեական հետապնդումները։ Անազատության մեջ են գտնվում Մամիկոն Ասլանյանը, Արմեն Աշոտյանը, Նարեկ Մալյանը, Ալբերտ Բազեյանը ու նմանատիպ գործիչներ, որոնց գործերի խայտառակության աստիճանը ոչնչով չի զիջում իմ գործի խայտառակության աստիճանին։ Պարզապես իմ պարագայում դատարանը կարողացավ ինքն իր համար գտնել կետն ու հենվելով՝ անել ճիշտ որոշում, այս մարդկանց դեպքում դա չի կատարվում։ Ազատություն եմ մաղթում իմ բոլոր ընկերներին»։

Ն.Սամսոնյանը միաժամանակ ընդգծեց, որ այդ մարդիկ երբեք չեն վախեցել ու չեն վախենալու։

«Ես ասել եմ ու պնդում եմ՝ Հայաստանի իշխանությունները ոչ միայն դավաճան են, ոչ միայն ստահակ ու սրիկա են, նաև  վախկոտ են, իրենց էությամբ վախկոտ, իրենք  իրենց շուքից վախեցողներ են,  այդ վախը պետք է վերջնականորեն ավարտել։ Այս մարդկանց պետք է տանել, ուղարկել, թող հանգիստ, անվախ նստեն քրեակատարողական հիմնարկներում։ Օրինակ, Նիկոլ Փաշինյանը հո «Երևան-կենտրոն» ՔԿՀ-ում  չի՞ վախենալու, թող գնա, Աննային էլ թող տանեն «Աբովյան»։ Սա է խնդիրը, պետք է հնարավորինս շուտ այս մարդկանց վախը վերջացնենք՝ ուղարկելով համապատասխան հանգստի»,- ասաց Նարեկ Սամսոնյանը։

Հիշեցնենք, որ մեղադրական եզրակացության համառոտ եզրակացության համաձայն, Նարեկ Սամսոնյանին մեղադրանք է առաջադրվել այն բանի համար, որ նա տեղեկատվական տեխնոլոգիաների օգտագործմամբ, քաղաքական հայացքներով պայմանավորված հանդես է եկել բռնություն գործադրելու հրապարակային կոչով, հրապարակայնորեն արդարացրել է բռնությունը.