Բնությունը չի հասցնում վերականգնել ջրի կորուստը, ՇՄԱԳ-ում այս խնդիրները պետք է արտացելված լինեն․ Ջրաբան
Օրերս կայացել է «Շրջակա միջավայրի վրա ազդեցության գնահատման կարգը հաստատելու մասին» ՀՀ կառավարության որոշման նախագծի հանրային քննարկումը։ Քննարկմանը մասնակցել են մի շարք փորձագետներ, այդ՝ թվում ջրային ոլորտից։ Panorama.am-ի հետ զրույցում անկախ փորձագետ, ջրաբան Քնարիկ Հովհաննիսյանն ասաց, որ նախագծի հետ կապված ունի իր դիտարկումները, որոնք վերաբերում են ոչ միայն շրջակա միջավայրի վրա բացասական, այլև դրական գործոնների ազդեցության գնահատման անհրաժեշտությանը։
«Շատ անգամ կան նախագծեր, օրինակ՝ ջրամբարի կառուցում կամ ջրերի հետ կապված այնպիսի նածագծեր, որոնք միաժամանակ օգնում են բնության, նաև՝ սոցիալական վիճակի բարելավում է նկատվում։ Օրինակ, եթե ջրամբար ենք կառուցում և՛ մեղմացնում է միկրոկլիման, և՛ աշխատատեղեր են բացվում։ Երբ ես այս առաջարկը հնչեցրեցի, նախարարության աշխատակիցն ասաց, որ հաշվի են առնվում նման դիտարկումները, սակայն երբ ես կարդում էի նախագիծը, նշված է միայն ՇՄԱԳ բացասական ազդեցության մասին»,- ընդգծեց ջրաբանը
Հովհաննիսյանի հաջորդ առաջարկը վերաբերում է մի համակարգի ստեղծմանը, որտեղ տրված գնահատակնները կախված չեն լինւ մեկ անձի կարծիքից․ «Դրական և բացասական միավորների հիման վրա հաշվարկվող վերջնական միավորը կարելի է համեմատել նախորոք սահմանված շեմի հետ և իսկույն եզրակացության հանգել՝ նախագծի ընդունելի կամ անընդունելի լինելու վերաբերյալ։ Առաջարկվող դրույթները, օրենքում ամրագրված լինելու պարագայում, թույլ կտան նվազեցնել մարդկային գործոնը և կախված չեն լինի անձի կարծիքից։ Այս կերպ հնարավոր կլինի ճշգրիտ գնահատել, թե տվյալ փոփոխությունը կբերի բացասական, թե դրական ազդեցության։ Այս համակարգը մի կողմից նվազեցնում է կոռուպցիայի հավանականությունը, մյուս կողմից գործընթացներն ավելի դյուրացվում է։ Հիմա չգիտեմ, կընդունեն,թե՝ ոչ, իրենց խնդիրն է» ։
Հովհաննիսյանը նշեց, որ իր գործունեության ընթացքում բավականին շատ է առնչվել ՇՄԱԳ փորձաքննությունների հետ և կարծում է, որ այս առաջարկների ավելացման անհրաժեշտությունը կա։
Ջրաբանի կարծիքով՝ փաստաթղթի փոփոխության անհրաժեշտություն կա նաև այն պատճառով,որ տարիների ընթացքում նոր մարտահրավերներ են առաջացել՝ հասարակության և բնության կողմից։
«Կլիմայի փոփոխությունն ակնհայտ է և բավականին ցայտուն։ Այսինքն՝ նոր ՇՄԱԳ կարգը վերանայելու անհրաժեշտություն կա։ ՇՄԱԳ առաջարկությունները հենց այնպես չեն։ Դրանք կառավարման գործընթացում առկա խնդիրները հաշվի առնելով են առաջարկվում ։ Կարծում եմ՝ անհրաժեշտ է հաշվի առնել դրանք»,- ավելացրեց Հովհաննիսյանը։
Անդրադառնալով ջրային ռեսուրսների կառավարման խնդիրներին, ջրաբանն ընդգծեց, որ թերի կողմներ շատ կան, ինչի մասին հաճախ բարձրաձայնվում է։
«Մենք գիտենք, որ Արարատյան դաշտավայրի ստորգետնյա ջրերի մակարդակը շուրջ 30 մետր իջել է։ Պետք է նվազեցնել ստորգետնյա ջրային ռեսուրսների վրա ազդեցությունը, քանի որ բնությունը չի հասցնում վերականգնել։ Արդյունքում ունենում ենք՝ տխուր տեսարան։ Ամեն գնով պետք է հասնել այն բանին, որ ձկնաբուծարանները ներդնեն շրջանառու համակարգ, ինչը խնդիրը քիչ թե շատ կմեղմի։ Այլ խնդիրներ էլ կան, օրինակ՝ ոռոգման համակարգի բարելավման , վերանորոգման հետ կապված,որի հետևանքով ունենում ենք ջրի զգալի կորուստներ։ Կան հորեր, որոնք չեն աշխատում կամ ապօրինի են և ենթակա են փակման։ Ահա այս խնդիրները պետք է արտացոլվեն ՇՄԱԳ նախագծում»,- եզրափակեց Քնարիկ Հովհաննիսյանը։
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
