Ձեր վստահելի աղբյուրը

«Ես եկել եմ Ոսկեպար և Կիրանց, որովհետև սահմանագծման գործընթացը կարող է որոշակի խնդիրներ առաջացնել մեր որոշ բնակավայրերի համար, բայց մյուս կողմից եկել եմ ասելու, որ իրադրությունն այնպիսին է և տրամաբանական է, որ մենք սահմանազատման և սահմանագծման գործընթացը սկսենք Բաղանիսից  Բերքաբեր ընկած տարածքում, կամ մի քիչ էլ այն կողմ»,- նախօրեին Տավուշի մարզի Կիրանց բնակավայրում բնակիչների հետ հանդիպման ժամանակ ասել է  Նիկոլ Փաշինյանը։

Նա բացատրել է փաշինյանյան սահմանազատումը՝  երբ քարտեզի վրա ֆիքսում են, թե որն է սահմանի կոորդինատը, իսկ սահմանագծումն այն է, որ գնում են, հողի վրա կանգնում են ու ասում՝ այստեղից սկսվում է կամ ավարտվում է Հայաստանը:

«Մեզ համար կարևոր է ֆիքսել Հայաստանի տարածքային ամբողջականությունը: Մեր խնդիրն այսօր տարածաշրջանի մի շարք երկրների հետ այն է, որ մենք ուզում ենք, որ նրանք համաձայն պայմանավորվածության ճանաչեն ՀՀ տարածքային ամբողջականությունը» ,- լկտիաբար միամտացնում է Փաշինյանը ՀՀ բնակիչներին, երբ մինչև իր գալը ՀՀ սահմաններն էլ, ինքնիշխանությունն էլ վաղուց ու անկասկած որոշված էր։

«Այս պահին մենք ոչ մեկի հետ ոչ մի պայմանավորվածություն, ոչ մի որոշում, որևէ բան, որից դուք տեղյակ չեք, գոյություն չունի»,- ասել է Փաշինյանը։ 

Սա այն երգն է, որը արդեն քանի տարի երգում է Նիկոլ Փաշինյանը հայերենով ու վարում հայատյաց քաղաքականություն, երբեմն-երբեմն պոռթկալով, թե՝ հանգիստ նսեք տեսներդ, ինչ պեք է, այն էլ բանակցում ենք... ու հանձնում Արցախի Հանրապետությունը Ադրբեջանին՝ ան-վե-րա-պա-հո-րեն։

Նա նշել է, որ այսօր բազմաթիվ հարցեր կան, որոնց պատասխանը չի տա, ոչ թե նրա համար, որ դրանք չի պատկերացնում, այլ որովհետև այդ հարցերի պատասխանը պայմանավորվածություններով պետք է ձևակերպվի և «միայն մեզնից չէ կախված.։

«Մենք կարող ենք գնալ լուծումների՝ առնվազն վստահության որոշակի մակարդակ ունենալով, որ մենք այդ անվտանգությունն ապահովելու ենք։ Մենք ուզում ենք շփման գիծը փոխարինել սահմանով։ Սահմանը մի երևույթ է, որն իրավական պարիսպ է կառուցում։ Սահմանագծման ամենակարևոր արդյունքը կարող է լինել այն, որ զորքերը դիրքերը թողնեն ու նրանց փոխարեն գան սահմանապահները, քանի որ այնտեղ, որտեղ կանգնած են սահմանապահները, իրար վրա կրակելն ընդունված չէ։

Կրակում են, որովհետև վեճ է լինում, եթե վեճ չկա, կրակելու իմաստ էլ չկա։ Եթե մենք սահմանը գծենք, ֆիքսենք և ապահովենք, որ գյուղերի բնակիչների միջև բախումներ տեղի չունենան, դրա առիթները բացառենք, կրակելը դառնում է անիմաստ, եթե երկիրը երկրին պատերազմ չի հայտարարում», - ասել է Նիկոլ Փաշինյանը։

Ինչպես կասեր դասականը՝ իյա, իրո՞ք։
Ի՞նչ վեճ ուներ Ալիևը, երբ իր բաշիբոզուկները գյուղում մնացած ծերունի ու հաշմանդամ տղա էին գնդակահարում։ Ալիևի վեճը հայի հետ՝ մինչև վերջին հայն է։

Բնակիչներից մեկի հարցին, որ երկու տարի առաջ «Google»-ի քարտեզներով սահմանն անցնում էր իր տան միջով, իսկ հիմա այն ընդամենը մի քանի մետր տեղափոխվել է, զորքը կանգնի՝ հայկական, ադրբեջանական, ինչպե՞ս կարող է այդ տանն ապրել, Փաշինյանը պատասխանել է, որ իրենք պետք է գան ու այդ հարցի պատասխանը կոնկրետ տան.

«Մենք հիմա առաջիկա աշխատանքների ու բանակցությունների ընթացքում պետք է սեղանին դնենք նաև ձեր հարցը, ասենք՝ այս մարդն իր տանը ո՞նց է ապրելու, ի՞նչ երաշխիքներ ենք մենք տալիս։ Ու դա արդեն այն հարցը պետք է լինի, որին ոչ միայն Հայաստանի կառավարությունը պետք է պատասխանի, այլ նաև Ադրբեջանը։ Ես հիմա եկել եմ ոչ թե ձեր հարցին պատասխանելու, այլ ձեր հարցը վերցնելու, ինձ հետ տանելու և այդ սահմանագծման աշխատանքի օրակարգի սեղանին դնելու,-Հայաստանը զոհասեղանին դրած, ՀՀ քաղաքացիներին իրենց տներից, գյուղերից, հողից է զրկում Փաշինյանը։

Պատասխաելով Կիրացի վարչական ղեկավարի հարցին, թե եթե Խրեմլու գյուղը տան, իրենք կարողանալո՞ւ են գնալ Օդնդաղի գագաթ, որը Բերքաբերի հողերն են, Փաշինյանն ասել է. «Եթե մենք ուզում ենք հետևողակաորեն ամուր պահանջենք, որ Ադրբեջանը տա, պետք է մենք գանք, կանգնենք մեր սահմանի դիրքերին: Ինչքանն Ադրբեջանն է հարց բարձրացնում, մենք էլ բարձրացնում ենք 31 գյուղերի հարցը, որի մեջ մտնում է Բերքաբերը, Այգեհովիտը, Վազաշենը, Պառավաքարը, ցուցակը հրապարակվել է:

«Ընդդիմությունն ասում է՝ Տավուշի գյուղերն ուզում է տա: Տավուշի մարզում Խրեմլու անունով գյուղ կա՞, ո՞վ է այդ գյուղի վարչական շրջանի ղեկավարը, ուզում եմ ծանոթանալ: Տավուշում Ասկիպարա անունով գյուղ կա՞, այդ գյուղի բնակիչներն ովքե՞ր են: Այն, ինչ լեգիտիմ մերն է ստանալու համար, պետք է պատրաստ լինենք տալ այն, ինչ լեգիտիմ մերը չի»,- շարունակում է մանիպուլյացիաները Փաշինյանը, պատրաստվելով վաղն էլ ասել՝ Հայաստանում Էրիվան կա՞, չկա, տանք ինչ ուզում են:

«Ես եկել եմ ձեզ տեղյակ պահելու և խնդրելու, որ այդ բարոյական, քաղաքական հնարավորությունը տաք, որ մենք այդ ճանապարհով գնանք»,- ծիծաղելիորեն բարոյականության մասին է խոսում Արցախը հանձնած մարդակերը, երեխայակերը, անառակ հայադավը։

«Մենք կվերադառնանք ժամանակ առ ժամանակ: Երբ ես կունենամ էական նոր տեղեկատվություն կամ քննարկելու տարբերակներ, ես կգամ այս ֆորմատով էլի կխոսենք: Ես եկել եմ կիսվելու այս տեղեկատվությունը և ձեզ խնդրելու, որ դուք այդ հնարավորությունը տաք, որ  մենք հլը  ոտ-ոտ, պուճուր-պուճուր քայլենք առաջ, տեսնենք՝ հնարավո՞ր է այս խաղաղ, հանգիստ ճանապարհով գնալ և մեր երկրի տարածքային ամբողջականությունը ֆիքսել: Մենք պետք է ամեն հնարավոր անենք դրա համար, հետո գանք ձեզ ասենք՝ ինչը ստացվեց, ինչը չստացվեց»: Ի դեպ, սա շատ անկեղծ է՝ կխոսի, հետո կգնա ներկաների գերեզմաններին, կասի՝ կներեք, չստացվեց։

Նիկոլ Փաշինյանը Տավուշի մարզի Ոսկեպար գյուղի բնակիչների հետ հանդիպմանն. ԸՍՏ ԻՐ ՄՈՏ ՀՐԱՊԱՐԱԾ ՏԵՍԱՆՅՈՒԹԵՐԻ, ասել է. 

«Մենք հիմա կարող ենք այստեղից դուրս գանք, գնանք ասենք՝ չէ, էն էլ չկա, էն էլ չկա, էն էլ չկա։ Դա նշանակում է, որ շաբաթվա վերջ պատերազմ է սկսելու։ Ես գիտեմ, թե ինչ է լինելու այդ պատերազմի վերջում, հետո որ իրար մի տեղ տեսնենք Երևանում, Հանրապետության հրապաակում , դուք ինձ ասելու եք, թե մենք գյուղացի ժողովուրդ ենք, այդքան տեղեկություն չունեինք, բա դու՞ք»։ 

Լյուդովի՞կոս, դու՞ ես։ Թե արծրուն հովհաննիսյան՝ դու։ «Ոչգյուղացի» տգետը չե՞ս, որ Արցախում մեր զորքերի պարտությունից հետո հիմա ասում է՝ ես տեղեկություն չունեի, ինձ չէին ասել, սխալ էին ասել։

Ոսկեպարի բնակչի դիտարկամը՝ «եթե հասկացա՝ մենք տալիս ենք Ադրբեջանին, բայց չենք պահանջում, գոնե  տանք 4 գյուղը, գետից այս կողմ չանցնեն», Փաշինյանը պատասխանել է. «Եթե մենք ինչ–որ բան տալիս ենք, տալիս ենք պահանջելու համար Ադրբեջանն էլ 30 տարի եղել պահանջողի կարգավիճակում, քայլ առ քայլ ստացել է, մենք էլ քայլ առ քայլ պետք է ստանանք, բայց ստանալու համար պետք է պահանջենք այն, ինչ օրինականորեն մեզ է պատկանում»։

Ոսկեպարցին, ըստ կառավարության մոնտաժած տեսանյութի՝ ասել է. «Սա էր իմ և գյուղացիների խնդրանքը»։

Փաշինյանն արձագանքել է. «Կարվի ամեն ինչ»։

Ոսկեպարում նա նաև ասել է. «Ինչո՞վ է կարևոր Ալամթիի հռչակագիր։ Մենք ասում ենք՝ այս պայմանավորվածությունը նշանակում է, որ  մենք պետք է ոչ թե զրոյից սահման գծենք, այլ պետք է գոյություն ունեցող սահմանները  հողի վրա գնանք ու ֆիքսենք։ Եթե հանկարծ մենք մտանք նոր սահման գծելու տրամաբանության մեջ, մենք մեր բոլոր սահմանները կկորցնենք։ Սա է ամբողջ խնդիրը։

Մենք խնդիր ունենք  մեր սահմանները ֆիքսելու, որովհետև այնտեղ, որտեղ պրոբլեմ ենք ունենում, լուծելի պրոբելմ է,  տեղ- տեղ դժվար լուծելի, բայց լուծելի պրոբլեմ է։

Ձեր թիկունքում, ձեր դեմ որևէ բան չի կարող արվի, եթե նույնիսկ արվի մի բան, որն ընկալեք ձեր դեմ, դա արտահայտում է  ձեր լավագույն շահը տվյալ իրավիճակում»։  

Արցախի ու արցախցիների հետ կատարվածը վկա՞։