Ձեր վստահելի աղբյուրը

«Չխճճելու ու չխճճվելու համար կարևոր է ֆիքսել հետևյալ սկզբունքը՝ այն ինչ գտնվում է  Հայաստանի միջազգայնորեն ճանաչված սահմաններից ներս, ՀՀ-ինն է, և որևէ մեկը չի կարող և չի պատրասվում հանձել որևէ հողակտոր»,- խորհրդարանական ճեպազրույցների ժամանակ ասաց «Քաղաքացիական պայմանագիր» խմբակցության քարտուղար Արթուր Հովհաննիսյանը։

Նա ընդգծեց, որ այն, ինչ դուրս է միջազգայնորեն ճանաչված սահմաններից, ուրեմն դուրս է գտնվում։

«Ինչ վերաբերվում է չհամաձայնեցված քարտեզներով սահմանազատման ու սահմանագծման գործընթացին գնալուն, վարչապետն էլ նշեց, որ քարտեզը ինքնին, առաջին տպավորությամբ, մեր քարտեզը չէ,  գոյություն ունեն տարբեր թվականների քարտեզներ, տարբեր թվականների որոշումներ ու իրավական հիմքեր, որոնցով ձևավորվել են խորհրդային հանրապետությունների սահմանները, և որոնք Ալմա Աթայի հռչակագրով պետք է դառնան մեր պետական սահմանները»,- ասաց նա։

Արթուր Հովհաննիսյանը նշեց, որ այդ գործընթացում առաջ են ընթանում՝ հաշվի առնելով բոլոր ռիսկերը. «Ռիսկեր միշտ էլ գոյություն ունեն, մենք չենք ասում, որ ոչ ռիսկային ճանապարհով ենք առաջ գնում»։

Ճեպազրույցին ներկա ՔՊ-ական պատգամավոր Անդրանիկ Քոչարյանն ասաց, որ քարտեզների ընտրությունը ամենաբարդ խնդիրն է, որին պետք է հասնել հենց բանակցությունների ընթացքում։

«Քարտեզներն անընդհատ փոփոխման կարիք են զգում, որովհետև կարող  գետի հուն փոխվել, սարի հետ կապված խնդիրներ փոխվեն, դեմարկացիայի հետ կապված խնդրով պետական սահման գծելու ծրագիր է իրականացվում։ Այս ընթացքում թեման ոչ այնքան քարտեզն է, այլ այն շահարկումները, որ  Հայաստանը իր տարածքներից է զիջում, Հայաստանը զիջելու ոչինչ չունի, Հայաստանի իշխանությունները շարժվում են պարզ սկզբունքով՝ այն, ինչը մերն է, մերն է, բայց այդ մերը պետք է արձանագրել  երկկողմանի համաձայնագրի շրջանակներում։

Շատ է շահարկվում, որ մեր մենք գնում ենք միակողմանի խնդիրների լուծման ճանապարհով, բացարձակապես, չի կարող նման բան չկա»,- ասաց նա։

Հարցին՝ Բերքաբերի գյուղերի տարածքները Հայաստանը հետ ստանալո՞ւ է,  Ա. Քոչարյանն ասաց. «Մենք դեռ անցնելիք ճանապարհ ունենք՝ որն է մերը, որն է իրենցը։ Մերն ու իրենցը՝ պետք է հիմքում իրավական փաստաթուղթ ունենալ կամ այն քարեզը, որի հիմքում դրված է իրավական այն մեխանիզմները, որոց ձևավորվել են այս վիճահարույց տարածքները։ Մենք ասում ենք՝ գիտենք, որ միլիմետրի ճշտությամբ դա մերն է, իրենք էլ ասում են՝ մենք գիտենք, որ միլիմետրի ճշտգությամբ ձերը չէ»,- ասաց Անդրանիկ Քոչարյանը։ 

Նա «մաթևոսյանական» ձևակերպմամբ կրկնեց. «Այն, ինչ որ մերն է, մերն է»։

Հարցին՝ իսկ եթե Ադրբեջանը  չի՞ տալիս այն, ինչը մերն է, ՔՊ-ական  պատգամավորը պատասխանեց. ««Կիկոսի մահը»  հիշեցրեց ձեր հարցը»։