Ձեր վստահելի աղբյուրը

Հակակոռուպցիոն դատարանում՝ դատավոր Վահե Դոլմազյանն ընդհատեց դատական նիստում ելույթ ունեցող ՀՀԿ փոխնախագահ Արմեն Աշոտյանին, որը խոսքի ընթացքում նայում էր դահլիճում նստածների կողմը։

«Ախր, հիմա կասեք, դատավորն էլի ընդհատեց։ Էդ միջնորդությունն ինձ է, չէ՞ ուղղված»,-ասաց դատավորը։
«Որքանո՞վ է  համարժեք Ձեր ընդհատումն իմ խոսքին»,-հարցրեց դատավորը։

«Որովհետև Դուք ինձ եք դիմում»,-պատասխանեց դատավորը։

«Եթե Ձեզ վրա նայեմ, ավելի շո՞ւտ կընդունեք իմ տեսակետը։ Այդ դեպքում անկնդետ Ձեզ վրա կնայեմ»,-ասաց Աշոտյանն ու շարունակեց։

Մինչ Աշոտյանի ու ատավոր Վահե Դոլմազյանի միջև երկխոսությունը շարունակվում էր, դահլիճում ծիծաղ լսվեց։

«Ի՞նչ կա ծիծաղելու»,-բարկացավ դատավորն ու նկատողություն հայտնեց լրագրողներից մեկին, որը պնդում էր՝ չի ծիծաղել։

Շարունակելով խոսքը՝ Աշոտյանն ասաց, փողերի լվացման մեղադրանքն իրեն ներկայացվել է, որպեսզի իրեն վարկաբեկեն միջազգային գործընկերների մոտ, ինչը չաշխատեց։

«Այդ հաշվարկը, որ նման մեղադրանք առաջադրենք Աշոտյանին, որ դրսում խայտառակ լինի, չաշխատեց, քանի որ եվրոպական երկու մեծ կառույց իրենց գնահատականը հստակ տվել են»,-ընդգծեց Աշոտյանը։