Համաձայնագիր չկա, սահմանազատում չես արել, ինչի՞ համար ես ժողովրդին ասում՝ էս տարածքը պետք է տամ, սպառնում պատերազմով. Օհանյան
«Որպես միջպետական ճանապարհներ՝ սահմանափակում է մեր բոլոր կապերը Վրաստանի, Ռուսաստանի և Իրանի հետ»,- Գեղարքունիքի մարզի Մարտունի քաղաքում բնակիչների հետ հանդիպմանը ասել է «Հայաստան» խմբակցության ղեկավար, պաշտպանության նախկին նախարար Սեյրան Օհանյանը՝ անդրադառնալով Տավուշից գյուղեր հանձնելու հարցին:
Նա ընդգծել է, որ սա մեկ գյուղի կամ մեկ տարածաշրջանի խնդիր չէ, սա ամբողջ Հայաստանի խնդիրն է:
«Միակ ելքն այս իրականության մեջ այս իշխանություններին հեռացնելն է, որովհետև այս իշխանությունները ոչ միայն անգրագետ են, նաև մի ամբողջ ժողովուրդ են ուզում անտեր թողնել»,- ասել է ընդդիմադիր խմբակցության ղեկավարը։
Ըստ նրա, եթե խոսքը գնում է սահմանազատման/սահմանագծման մասին, հերթականությունը հետևյալն է. «Երկու թշնամի պետություն պայմանավորվում են, որ այլևս ուզում են խաղաղության մեջ ապրել, դառնալ հարևան պետություններ, կնքում են համաձայնագիր ու դրա համաձայն հետագա քայլերն են ուզում կատարել։ Իսկ այսօր այդ համաձայնությունը չկա։ Ադրբեջանը գտնվում է Հայաստանի տարածքում, հռետորաբանությունը, վախեցնելը, ճնշումները Հայաստանի իշխանության վրա շարունակում են, ավելին՝ հավակնություններ ունի, երևի այսօրվա իշխանությունների հետ պայմանավորված, նաև Տավուշի տարածաշրջանի վերաբերյալ։
Երկրորդ քայլը սահմանազատումն է, քարտեզի վրա աշխատանքն է։ 950 կմ սահման ունենք Ադրբեջանի հետ։ Ինչո՞ւ ես միայն փորձում Տավուշի մարզում սահմանը զատել։ Ոչ մի քարտեզ չկա, աշխատանք չի տարվել։ Այդ հատվածում ունենք ամուր պաշտպանության, ռազմավարական ճանապարհ։
Այսինքն՝ համաձայնագիր չկա, սահմանազատում չես արել, ինչի՞ համար ես գնում, ժողովրդին ասում՝ էս տարածքը պետք է տամ, վախեցնում, սպառնում պատերազմով, ընդ որում իմանալով՝ հայ ժողովուրդը վախեցո՞ղ է պատերազմից։
Եթե նույնիսկ պատերազմ լինի, ինչո՞ւ ես կանխորոշում, որ մենք այդ պատերազմում անպայման պարտվելու ենք։ Եթե պետք լինի, ոտքի ենք կանգնելու ու պաշտպանելու մեր երկիրը, եթե լինի խելացի ղեկավարություն։ Համոզված եմ՝ եթե առաջին պատերազմում Նիկոլի նման ղեկավար ունենայինք, այն ժամանակ էինք մենք պարտվելու։ Այն ժամանակ հաջողության էինք հասել միասնականության շնորհիվ, հիմա էլ կարող ենք հաջողության հասնել միասնականության շնորհիվ»։
Հարակից հրապարակումներ`
- Ոստիկանության Տավուշի մարզային վարչության պետը քաղաքացիներին թույլ չտվեց մտնել Ոսկեպարի եկեղեցի
- Տավուշի համար Երևանում է պետք պայքարել. Հրանտ Մելիք-Շահնազարյան
- Ինչպես Սյունիքում «ճշգրտումներից» հետո Հայաստանը բան չստացավ, նույնը լինելու է Տավուշի դեպքում. Տիգրան Աբրահամյան
- Փաշինյանը անձամբ է վարել ՀՀ գյուղեր հանձնելու բանակցությունները Տավուշի մարզում
- Տավուշի նախկին մարզպետ Հովիկ Աբովյանը պետությանը կփոխանցի ավելի քան 608 մլն դրամ
- Մենք Տավուշի մարզից գյուղեր հանձնելու վերաբերյալ չենք բանակցում. Արարատ Միրզոյան
- Տավուշի մարզում 9-րդ դասարանի «Բնագիտություն» առարկայի ավարտական քննությունը կանցկացվի նոր ձևաչափով
- Սուրենյանց. Ինչի մասին է Տավուշի հայտնի տարածքը հանձնելու Ադրբեջանի պահանջը
- Տավուշի 4 գյուղը մեր վարչատարածքային բաժանման մեջ չեն գտնվում, 29.800-ից դուրս են․ Գնել Սանոսյան
- Չալաբյան. Փաշինյանը հաստատեց՝ պատրաստվում է հանձնել Տավուշի սահմանագծի կարևոր մի հատված՝ քողարկել դա «խաղաղության օրակարգի» կեղծ թեզերով
- Ադրբեջանը նպատակ ունի սահմանազատումը սկսել և ավարտել Տավուշի հատվածում․ «Ապրելու երկիր»
- Նիկոլ Փաշինյան. Չեմ բացառում, որ կարող է դելիմիտացիայի գործընթացը սկսել Տավուշի մարզից
- Առաջիկա օրերին Տավուշի և Տիգրանաշենի ճակատագիրը վտանգված է. Էդգար Ղազարյան
- Վարդան Ոսկանյան. Տավուշի մարզի չորս գյուղերը մեր հայրենիքի սրբազան հողի անքակտելի մաս են
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
