Ձեր վստահելի աղբյուրը

«Երկիրն օրհասական վիճակում է։ Ինչ տեղի է ունենում Հայաստանում, կոչվում է դավաճանական, կապիտուլյացիոն գծի շարունակություն, Հայաստանի պետականության պաշարների հերթական սպառում, անվտանգային միջավայրի ջախջախում»,- Կոմիտասի անվան պանթեոնում լրագրողների հետ զրույցում ասաց ՀՀԿ ԳՄ անդամ Արտակ Զաքարյանը։

Նրա խոսքով, Նիկոլ Փաշինյանն անվտանգության բոլոր բաղկացուցիչները հաջողությամբ, ժողովրդի լուռ համաձայնությամբ, իր դավաճանական թիմի ակտիվ աջակցությամբ, ուղղակի համոզելով, ոստիկանական բռնի ճնշումներ գործադրելով, վախեցնելով, շանտաժ անելով սեփական երկրի քաղաքացիներին փորձում է ամբողջությամբ քայքայել։

«Փաշինյանն ասում է՝ իմ վրա հույս չդնեք, ես ձեր անվտանգության, կյանքի, ապագայի վրա թքած ունեմ, այս հողը պետք է տաք,  չէ, ուրեմն գնացեք, պատերազմ է լինելու։ Ինքը նույնիսկ չի էլ ասում՝ ստիպված պետք է լինենք պատրաստվել պատերազմի, մեր այլընտրանքը պատերազմն է, որի միջոցով կարող ենք պաշտպանել մեր ինքնությունը, անվտանգությունը, պետականությունը, սահմանների անձեռնմխելիությունը»,- ասաց Զաքարյանը։ 

Նշենք, որ ՀՀ նախկին վարչապետ Անդրանիկ Մարգարյանի մահվան տարելիցի կապակցությամբ ՀՀ երրորդ նախագահ, ՀՀԿ նախագահ Սերժ Սարգսյանը, ՀՀԿ-ական գործիչներն այցելել են Կոմիտասի անվան պանթեոն։

Մանրամասն՝ տեսանյութում։