Ձեր վստահելի աղբյուրը

«Լավ եմ ճանաչում Չեխիայի հավաքականը, շատ եմ նրանց դեմ խաղացել։ Եվրոպական մակարդակի, լավ ուժային թիմ է, աթլետիկ խաղացողներ ունեն, երկար տարիներ չեն փոխում խաղաոճը։ Հիմա ունեն նոր մարզիչ։ Սպասում եմ լավ խաղ։ Մեզ պետք են այսպիսի հանդիպումներ լավ մարտունակ թիմ ստեղծելու համար։ Իհարկե, ցանկալի է դրական արդյունք, բայց չգիտեմ, թե ինչպես կստացվի»,- նախախաղային ասուլիսում ասել է Ֆուտբոլի Հայաստանի հավաքականի ուկրաինացի գլխավոր մարզիչ Ալեքսանդր Պետրակովը։

Նա հայտնել է, որ Սերգեյ Մուրադյանի հետ հույսեր է կապում, որ հազվադեպ են 1.90 մետր հասակ ունեցող հայ ֆուտբոլիստներ և աստիճանաբար նրան կմոտեցնի հավաքականին։

«Կոսովոյի թիմ հետ հանդիպումից հետո բոլորը առողջ են, պատրաստ են։ Կարծում եմ՝ բոլորն էլ վերականգնվել են։ Լավ մարզվել ենք մարզասրահում»,- նշել է Ալեքսանդր Պետրակովը:

Ֆուտբոլի Հայաստանի հավաքականն Ալեքսանդր Պետրակովի գլխավորությամբ Պրահայում անցկացրել է նախախային մարզում՝ պատրաստվելով չեխերի դեմ ընկերական խաղին։

Հայաստանի հավաքականը Չեխիա է մեկնել հետևյալ կազմով.

Դարպասապահներ

Օգնյեն Չանչարևիչ - «Նոա»
Արսեն Բեգլարյան - «Արարատ-Արմենիա»
Ստանիսլավ Բուչնև - «Փյունիկ»

Պաշտպաններ

Վարազդատ Հարոյան - «Ցինդաո Ուեստ Քոսթ» (Չինաստան)
Անդրե Կալիսիր - «Բրոմապոյկարնա» (Շվեդիա)
Գեորգի Հարությունյան - «Կրասնոդար» (Ռուսաստան)
Ստյոպա Մկրտչյան - «Օսիեկ» (Խորվաթիա)
Կամո Հովհաննիսյան - «Արարատ-Արմենիա»
Սերգեյ Մուրադյան - «Նոա»
Ժիրայր Մարգարյան - «Ուրարտու»
Էրիկ Փիլոյան - «Ուրարտու»

Կիսապաշտպաններ/Հարձակվողներ

Էդուարդ Սպերցյան - «Կրասնոդար» (Ռուսաստան)
Էդգար Սևիկյան - «Ֆերենցվարոշ» (Հունգարիա)
Վահան Բիչախչյան - «Պոգոն» (Լեհաստան)
Նարեկ Գրիգորյան - «Ֆարուլ» (Ռումինիա)
Հովհաննես Հարությունյան - «Փյունիկ»
Դավիդ Դավիդյան – «Փյունիկ»
Արթուր Սերոբյան - «Արարատ-Արմենիա»
Տիգրան Ավանեսյան - «Բալթիկա» (Ռուսաստան)
Արթուր Միրանյան - «Նոա»
Հրանտ-Լեոն Ռանոս - «Բորուսիա» (Մյոնխենգլադբախ, Գերմանիա)
Նորբերտո Բրիասկո Բալեկյան - «Բոկա Խունիորս» (Արգենտինա)
Լուկաս Սելարայան - «Ալ-Ֆաթեհ» (Սաուդյան Արաբիա)

Չեխիա - Հայաստան հանդիպումը տեղի կունենա մարտի 26-ին եւ կմեկնարկի Երեւանի ժամանակով 23:00-ին։