![](https://panorama.am/news_images/995/2984515_1/111.thumb.jpg)
Այսօրվա օրը 2 կարևոր խորհուրդ ունի. Տիգրան Աբրահամյան
ԱԺ «Պատիվ ունեմ» խմբակցության պատգամավոր Տիգրան Աբրահամյանը գրում է.
«Ապրիլյան մարտական գործողությունների մեկնարկից 8 տարի է անցել:
Այն սխրագործություններն ու վճռական գործողությունները, որոնք իրականացրեցին մեր զինծառայողները, այսօր էլ ակտուալ է, որովհետև Ադրբեջանը «մռութին ուտելով» հստակ հասկացավ, որ Արցախի ու Հայաստանի դեմ որևէ պատերազմ կամ գործողություն «հեշտ զբոսանք» չի լինելու:
Ապրիլի 2-5-ը ժամանակահատվածում Պաշտպանության բանակն ունեցավ 75 զոհ, նահատակներ, որոնց առաքելությունը մեկն էր` ամեն գնով պաշտպանել հայրենիքը և նրանք նույնիսկ կյանքի գնով արեցին:
Ադրբեջանի այդ ժամանակվա կորուստների մասին շատ խոսվեց` 700-800-ի կարգի էր, այլ աղբյուրներ մինչև 1000 էին նշում:
Այդ ժամանակ բանակը, հասարակությունը գիտեին` կա պետություն, որը ոչ միայն պատասխանատու էր իր զինծառայողի ցանկացած քայլի համար, այլ իր ողջ ներուժը դնելու էր հայրենիքի պաշտպանության համար:
Այսօր էլ մեր կողքին ապրում են մարդիկ, ովքեր այս տարիների ընթացքում թշնամուն ճնշման մեծ թվով մարտական առաջադրանքների են մասնակցել` դիվերսիոն գործողություններից մինչև 44-օրյա պատերազմ:
Այդ ամենն արվել է պատվով, ցավոք, որոշ դեպքերում անձնազոհության միջոցով:
Այսօրվա օրը 2 կարևոր խորհուրդ ունի` հայը ցանկացած գնով կարող է իրեն պաշտպանել, երկրորդ, այն երկիրը` այս դեպքում հասկանալ իշխանությունը, որն իր զավակների բարձր առաքելությունը համարում է «հանուն ոչնչի»` իր ազգի համար հեռանկար չի կարող ապահովել:
Հավերժ փառք և խոնարհում վերջին 3 տասնամյակներում հանուն Հայրենիքի` Հայաստանի ու Արցախի ազատագրման և պաշտպանության համար նահատակվածներին և մեծագույն հարգանք նրանց ընտանիքներին:
ՀԳ. Լուսանկարում ապրիլյան գործողությունների առաջին օրը` Արցախի հարավային ուղղությամբ գրոհած ադրբեջանական ուղղաթիռն է կամ այն ինչ մնացել է դրանից, որը խոցվել է մարտական դիրքի անձնակազմի ուժերով` նռնականետով»։
Հարակից հրապարակումներ`
- Ռուբեն Մխիթարյան. Նիկոլ, Աբաջյանին հիշու՞մ ես
- Վարդան Բալյան. Մեր բանակը 2016 թվականի Ապրիլյան քառօրյա ընթացքում բառի ուղիղ իմաստով ջարդուփշուր է արել ադրբեջանական հարձակվող զորքին
- Ապրիլյան պատերազմի անմահ հերոս Սասուն Մկրտչյանն այսօր կդառնար 34 տարեկան
- Ապրիլյան քառօրյան մեր նպատակն ու վճռականությունը տապալելու ձախողված փորձերից մեկն էր. Արցախի նախագահ
- Հարգանքի տուրք՝ ապրիլյան քառօրյա պատերազմի հերոսների հիշատակին
- Ապրիլյանի մասնակիցներ Քյարամ Սլոյանին և Անդրանիկ Զոհրաբյանին հետմահու շնորհվել է «Արցախի հերոս» կոչումը
- Ինչպե՞ս կարողացանք հաղթել 2016 թվականի «Ապրիլյան» պատերազմում. ՀՀԿ
- Արցախի ԱԳՆ. 2016 թ․ ապրիլյան ագրեսիան «փորձաքար» դարձավ
- Վերջին աղետալի պատերազմի հետ կապված չպարզված հանգամանքներ դեռ ունենք, բայց Ապրիլյանի պարագայում զոհերի թիվը հստակ էր. Մամիջանյան
- Ապրիլյանում զոհված Ազատ Սիմոնյանն այսօր կդառնար 25 տարեկան
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան