Ձեր վստահելի աղբյուրը

«Թվային փոխակերպման այս օրակարգը և այդ ճանապարհը մենք սկսել ենք տարիներ առաջ և 7 տարի այդ գործընթացի մեջ ենք գտնվում,  շատ ավելի ինտենսիվ՝ վերջին երեք տարիներին»,-Doing Digital միջազգային ամենամյա երկրորդ ֆորումի ժամանակ ասաց Ամերիաբանկի տնօրինության անդամ, Մանրածախ բանկինգի տնօրեն Արման Բարսեղյանը։

Հայտնելով, որ այդ քայլերն արդեն տալիս են իրենց արդյունքները՝ Բարսեղյանը նշեց, որ բանկում գործարքների 98 %-ն արդեն մասնաճյուղերից դուրս է գալիս, տարբեր ոլորտներում վաճառքների կեսից ավելին թվային եղանակով է իրականացվում և ակնկալում են, որ մինչև տարեվերջ մոտ 60 %-ը մասնաճյուղերից դուրս կբերեվեն։

«Ամերիաբանկի մանրածախ վարկերի, միջին ու փոքր բիզնեսներին ուղղված վարկերի 95 %-ն այլևս թվային են, հեռավար, այսինքը մեծամասամբ կարող ենք ասել, որ Ամերիաբանկն այլևս թվային բանկ է»,-հայտարարեց Արմեն Բարսեղյանը և նշեց, որ այն ոչ թե ցանկալի, այլ պարտադիր օրակարգ է, առանց որի դժվար թե որևէ բիզնես կարողանա արդյունք ապահովել։ 

Նա նաև հայտնեց, որ հանրությունն սպասվածից ավելի ակտիվ է արձագանքում թվային տարբերակներին և բազմաթիվ պրոդուկտների գծով շատ ավելի արագ է իրականացվում ադապտացումը:

«Ֆորումը կայացավ որովհետև թվայնացումը գլոբալ օրակարգ է և մենք, արձագանքելով  դրան, Հայաստան ենք բերել ամենաթոփ խոսնակներին, ինչպես նաև միավորել մեր երկրում թվայնացման գործընթացում առաջընթաց գրանցած տարբեր ընկերությունները»,-իր խոսքում ասաց Doing Digital ֆորումի հիմնադիր, SPRING PR ընկերության համահիմնադիր Տաթևիկ Սիմոնյանը։

Տեղեկացնելով, որ ֆորումը կայանում է արդեն երկրորդ տարին, ինչը նշանակում է, որ միջազգային ֆորմատ է բերվում Հայաստան՝ Սիմոնյանը նաև նշեց, որ միջազգային ԶԼՄ-ները, որոնք  ոլորտն են լուսաբանում, խոսում են Հայաստանի մասին, որպես տեխնոլոգիական փոփոխություններին և տրանսֆորմացիաներին արձագանքող և ներուժ ունեցող երկիր։

«Մենք տեսնում ենք, որ թե՛ միջազգային կազամկերպությունները, թե՛ տեղական ընկերությունները և գլոբալ աշխարհը խոսում են այն մասին, որ թվայնացումը և Digital լինելը ոչ թե ցանկություն է, այլ պարտադիր պայման՝ մրցունակ լինելու թե՛ երկրենրի, թե՛ կազմակերպությունների տեսանկյունից, այն լինելիության գլխավոր գրավականն է»,-ասաց Տաթևիկ Սիմոնյանը։

Doing Digital ֆորումի գլխավոր խոսնակ, հայտնի ֆուտուրիստ, ապագահայաց փիլիսոփա Բրեթ Քինգն էլ հիշեցրեց, որ քննարկվում է Հայաստանի՝ ապագայում ԵՄ անդամ դառնալու հարցը, որը երկրի համար հնարավորություններ կբացի նոր շուկաների առումով և Հայաստանի համար շատ կարևոր է նաև տաղանդներ և ներդրումներ ներգրավելը

Նա նշեց, որ տաղանդներ ներգրավելու համար պետք է դյուրինացնել ընթացակարգերը,  իսկ խելացի տնտեսություն ունենալու համար կարևոր է նաև արհեստական բանականությունը ներդնելու հարցում բանկերի պատրաստվածությունը։

SPRING PR ընկերության Doing Digital միջազգային ամենամյա ֆորումն (DDF) այս տարի անցկացվում է ապրիլի 3-ին «Հնարավորություններին ընդառաջ» խորագրով։ Ֆորումի նպատակն է ներկայացնել ֆինանսական և բիզնեսի տարբեր ուղղություններում թվային փոխակերպման վերջին մոտեցումները, քննարկել առկա հնարավորություններն ու դրանց տեղայնացման առանձնահատկությունները, համաշխարհային տեխնոլոգիական և բիզնես հանրության շրջանում Հայաստանը դիրքավորել որպես թվային փոխակերպման նոր հարթակ՝ նպաստելով երկրի մրցունակության բարձրացմանը: Ֆինանսատեխնոլոգիական առաջատար ընկերություն Ամերիաբանկն արդեն երկրորդ տարին շարունակ ֆորումի կողքին է, այս անգամ՝ որպես ֆինթեք գործընկեր:

Doing Digital Forum-ն այս տարի ներկայանում է նոր դեմքերով և թեմաներով՝ հյուրընկալելով ոլորտի համաշխարհային թոփ խոսնակներին և առաջատար փորձագետներին։ Ֆորումի գլխավոր խոսնակը հայտնի ֆուտուրիստ, բանկինգի նոր հայեցակարգի և բեսթսելերներ դարձած մի շարք գրքերի (Bank 2.0, Bank 3.0, Breaking Banks, Bank 4.0, The Rise of Technosocialism) հեղինակ Բրեթ Քինգն է։

Առաջատար խոսնակների ելույթների, պանելային քննարկումների, միջազգային փորձի ուսումնասիրման ձևաչափերով DDF24-ը քննարկեցին այնպիսի թեմաներ, ինչպիսիք են թվային փոխակերպումները տնտեսության և հասարակական կյանքի տարբեր ոլորտներում, ֆինանսական նոր տեխնոլոգիաները, ապագայի բանկինգը, տաղանդների ներգրավումը, արհեստական բանականության կիրառությունները, ինչպես նաև թվային փոխակերպման հաջողված նախաձեռնությունների ներկայացումն ու փորձի փոխանակումը։ Անդրադարձ կլինի նաև կրիպտոարժույթներին, տվյալների պաշտպանության ու կիբերանվտանգության ռիսկերի կառավարմանը և այլ մարտահրավերներին դիմագրավելուն: 

Երկրորդ տարին անընդմեջ միջազգային Visa ընկերությունը ֆորումի ինովացիոն գործընկերն է, հայկական Apricot Capital-ը՝ ներդրումային գործընկերը, Fastex-ը՝ բլոկչեյն գործընկերը։ DDF24-ի տեխնոլոգիական գործընկերը Ucraft-ն է, ԱԲ գործընկերը՝ Hoory-ն։ ArCa-ն ֆորումի ազգային գործընկերն է։ DDF24-ի հյուրընկալության ոլորտի գործընկերն է «Երեմյան Փրոջեքթս»-ն՝ իր Լիվինգսթոն ռեստորանով: Seven Visions Hotels-ը ևս գործընկերների ցանկում է:

DDF24-ը հյուրընկալել է ավելի քան 20 խոսնակի աշխարհի տարբեր անկյուններից, ովքեր ներկայացնում են ՀՀ կառավարությունը, Կենտրոնական բանկն ու Հայաստանի տեղեկատվական համակարգերի գործակալությունը, Սինգապուրի սոցիալական գիտությունների համալսարանը, Հայաստանի ամերիկյան համալսարանը, Visa, Deloitte, ICDT Global, Moven, Just Better, People Growth Organization, SPRING PR, Ameriabank, ArCa, Ucom, Balchug Capital, Apricot Capital, Fastex, Ucraft և Hoory ընկերությունները։