Ձեր վստահելի աղբյուրը

Մետրոյի «Երիտասարդական» կայարանի հարևանությամբ գտնվող պուրակում, ավելի կոնկրետ՝ Մոսկովյան 6/7 Tumanyan’s ART / Թումանյան’ս ART սրճարանի բացօթյա տարածքում, հենց այս պահին ընթանում է և մինչև երեկոյան վեցը կտևի «Վըսկե ծերքեր» փառատոնը, որը կազմակերպել է «Արցախի մայրիկների աջակցման Կենտրոն» ՀԿ-ն: Այդ մասին գրում է aravot.am-ը։

Փառատոնի շրջանակներում գործում է տոնավաճառ, որում արցախցի մայրիկները, և ինչու ոչ՝ նաև հայրիկները, ներկայացնում են իրենց ձեռքի աշխատանքները՝ մեկը մեկից հետաքրքիր և գեղեցիկ: Մայրիկներին, կանանց, տատիկներին, քույրիկներին և դուստրերին նվերներ ընտրելու համար կարող եք այցելել և գնել արցախցիների ձեռագործ ստեղծագործությունները:

Սա արդեն երկրորդ փառատոնն է, առաջինը տեղի էր ունեցել Ամանորից առաջ և մեծ հաջողություն էր գրանցել: Իսկ այսօր արդեն երկրորդն է կազմակերպվում՝ ապրիլի 7-ի կապակցությամբ: Ինչպես ասում են կազմակերպիչները՝ իրենց հիմնական նպատակն է օգնել շնորհաշատ կանանց վաճառել իրենց ստեղծագործությունները և ոգևորել՝ նորը ստեղծելու համար: Ծրագրի հովանավորն այս անգամ Club Capital ընկերությունն է: