Ձեր վստահելի աղբյուրը

«Առաջարկվել է հրատապ թեմայով հարցի քննարկմանը հարակից զեկուցողներ հաստատել ՀՀ փոխվարչապետ Մհեր Գրիգորյանին և ԱԳ նախարար Արարատ Միրզոյանին»,- խորհրդարանում հայատարարեց Ալեն Սիմոնյանը՝ «Հայաստանի Հանրապետության և Ադրբեջանական Հանրապետության միջև սահմանազատման և սահմանագծման հիմնախնդիրները» հասարակական հետաքրքրություն ներկայացնող թեմայով հրատապ քննարկումը սկսելուց առաջ։

Նա նաև հայտնեց, որ ՔՊ-ական պատգամավորներն առաջարկել են քննարկումները փակ անցկացնել։

ՔՊ խմբակցության ղեկավար Հայկ Կոնջոյանը հայտնեց, որ իրենք կողմ են քվեարկելու նիստը փակ անցկացնելու որոշմանը։

«Հայաստամ» խմբակցության քարտուղար Արծվիկ Մինասյանը հայտնեց, որ հարցը հանրային հետաքրքրություն է ներկայացնում և ընդդիմադիր խմբակցությունը դեմ կքվեարկի նիստ փակ ռեժիմով անցկացնելու առաջարկին։

Գեղամ Մանուկյանն էլ նկատեց, որ անիմաստ է  նիստը փակ անցկացնել, քանի որ յուրաքնաչյուր պատգամավոր, ունի հեռախոս, որով կարող են գաղտնալսել փակ նիստը։

Ալեն Սիմանյանն ընդունեց Մանուկյանի դիտարկում և ասաց, որ հեռախոսները պետք է հավաքվեն։

ԱԺ նախագահը դահլիճից դուսր հրավիրեց Ասպրամ Կրպեյանին, Լևոն Քոչարյանին, Արմեն Ռուստամյանին, Սեյրան Օհանյանին, ընդդիմադիր մի քանի այլ պատգամավորների և մեկ ՔՊ-ականի՝ գաղտնիության թույլտվություն չունենալու հիմնավորմամբ։

ԱԺ-ն 5 րոպե ընդմիջումից հետո սկսեց փակ նիստը։