Ձեր վստահելի աղբյուրը

«Խաղաղությունն այնքան հեռու է այսօր, ինչքան անցյալ տարի այս օրերին, թուրքերը մեր տարածքում են, ինչպես անցյալ տարի այս օրերին, տարածքները զիջելու մասին խոսում եք դուք, առանց հայելային պահանջ ներկայացնելու։ Մեկ տարվա ընթացքում ձեր քաղաքականությունը մեր պետությանը որևէ դրական արդյունք տվե՞լ է, թե՞ ոչ»։ Ազգային ժողովում այս հարցը «Հայաստան» խմբակցության պատգամավոր Արթուր Խաչատրյանը ուղղեց Նիկոլ Փաշինյանին։

Նա նաև մեջբերումներ արեց Կազանի փաստաթղթից ղարաբաղյան հակամարտության կարգավորման վերաբերյալ։

Ի պատասխան՝ Նիկոլ Փաշինյանն ասաց. «Կազանի փաստաթղթում տենց  գրած էր, Կազանի փաստաթղթի ժամանակ դուք  իշխանություն էլ էիք, ընդդիմություն էլ էիք, լուծեիք։ Լուծեիք  եղբայր, ո՞վ էր ձեզ արգելել։ Կազանի փաստաթուղթը, որ եղել է, ես կամ բանտում եմ եղել, կամ բանտից նոր դուրս եկած։ Ո՞վ էր խանգարում ձեզ, լուծեիք։ Լուծեիք 2011-ին, 12-ին, 13-ին, 14-ին, 15-ն, 16-ին  այնպես անեիք, որ պատերազմ չլիներ, պատերազմից շատ ուժեղ խուսափոխներ էիք։  2008-ին, 2007-ին, ..., 1999-ին, 98-ին լուծեիք։ 98 թվականի իշխանության էիք, լուծեիք եղբայր»։

Գնալով Փաշինյանը սկսեց բորբոքված տոնով բացատրել ադրբեջանցիների իրավունքները «Լեռնային Ղաևաբաղում», բա թե՝ հայ կինը ու ադրբեջանցի կինը նույն օրը հղի են եղել, հետո ադրբեջանցին գնացել է, ուրիշ տեղ է ծննդաբերել... (տեսանյութում այս հատվածը՝ 5։00 րոպեից)։

Ու ոչ ոք չհիշեցրեց Փաշինյանին, կամ ավելորդ գտավ հիշեցնել, թե քանի-քանի արցախցի հղի կանայք պարևզապես չեն կարողացել ծննդաբերել ադրբեջանցիների հայասպան քաղաքականության պատճառով։

Մանրամասն՝ տեսանյութում։