Ձեր վստահելի աղբյուրը

«Չգիտեմ՝ ինչի այսօր մի քիչ ավելի լավ ակնկալիքներ ունեմ։ Չգիտեմ, թե դա ինչով է բացատրվում»,-մինչ ՀՀԿ փոխնախագահ Արմեն Աշոտյանի գործով դատական նիստի մեկնարկը լրագրողների հետ զրույցում ասաց նրա կուսակցական ընկեր, պաշտպանության նախկին փոխնախարար Արտակ Զաքարյանը։

Նա հույս հայտնեց՝ ինչ-որ մի պահի առողջ բանականությունը կարող է հաղթել, ու գոնե ուշացումով վերջ կդրվի այս ապօրինություններին։

«Արդեն ժամանակն է վերջ դնել այս ապօրինություններին ու դատարանները դուրս բերել քաղաքական կեղտոտ խաղերից, որոնք վարվում են այս ապիկար իշխանությունների կողմից՝ շեղելու մարդկանց ուշադրոթյունը, կոտրելու դիմադրության պայքարը, ավիրելու ազգային օրակարգերը, ապականելու, պախարակելու և շանտաժի ենթարկելու քաղաքական հարաբերությունները՝ այդ թվում նաև մարդկային բոլոր հարաբերությունները, քաղբանտարկյալ Արմեն Աշոտյանը, մյուս քաղբանտարկյալները դրա վառ ապացույցն են»,-ասաց նա։

Նա հույս ունի, որ դատարանն այսօր իր մեջ ուժ կգտնի ու վեր կկանգնի քաղաքական կեղտոտ խաղերից ու կառաջնորդվի բացառապես արդարադատությամբ։

«Բացառապես արդարադատությամբ առաջնորդվելու դեպքում՝ պետք է Արմեն Աշոտյանից ներողություն խնդրել տևական ժամանակ անազատության մեջ պահելու ու նրա նկատմամաբ տարբեր տիպի իրավունքներից զրկելու համար»,-ասաց նա։