Ձեր վստահելի աղբյուրը

«Այն մարդիկ, որոնք քննադատել են Նիկոլ Փաշինյանին, ներկայացրել փաստեր այն մասին, թե ինչպես են Նիկոլ Փաշինյանը և իր թիմը վարում հակահայ քաղաքականություն, կալանավորվում են»,- այս մասին  քաղաքական զբոսանքի  ժամանակ հայտարարեց մասնակիցներից մեկը։

Հայաստանում առկա քաղբանտարկյալներին ազատ արձակելու պահանջով տարբեր հասարակական-քաղաքական գործիչներ, լրագրողներ, քաղաքացիներ իրականացնում են քաղաքական զբոսանք։

«Հիշեք՝ այսօր ցանկացած քաղաքացի ունի մանդատ, որը միայն ընտրություններով չի սահմանափակվում։ Ցանկացած քաղաքացի կարող է բարձրաձայնել,թե ինչպիսի պետություն է ուզում ունենալ։ Մենք դուրս ենք եկել փողոց, որպեսզի ասենք՝ ազատ խոսք պետք է լինի , Հայաստանում Նիկոլ քննադատողները չպետք է բանտեր նետվեն»,- ասաց մասնակիցն ու թվեց քաղբանտարկյալների անունները։

Ներկաները շարունակեցին վանկարկել «Ազատություն»։

Իրազեկման ակցիայի ժամանակ հարյուրավոր քաղաքացիների բաժանվեցին թռուցիկներ՝ իրազեկելով, որ ՀՀ-ում կան քաղբանտարկյալներ։

«Հայաստանում չկա խոսքի ազատություն, բայց մենք շարունակելու ենք իրազեկման ակցիաներ իրականացել՝ ներկայացնելով  քաղաքացիներին  ճշմարտությունը, որից վախենում են իշխանությունները»,- ակցիայի ավարտին հայտարարեցին նախաձեռնողները։