Ձեր վստահելի աղբյուրը

«Մեկ օրից ավել է հաղորդել են սարսափելի վթարի մասին․4 զոհ, 20-ից ավել վիրավորներ, որոնց մեջ կան ծայրահեղ ծանր վիճակում գտնվողներ։ Մինչ այս պահը վարչապետը կամ  Պնախարարը հանդես չեն եկել բացատրություններով, նույնիսկ ցավակցական խոսք չի հնչել»,-մտահոգություն է հայտնել իրավապաշտան Ժաննա Ալեքսանյանը, որը հաճախ է բարձրաձայնում ԶՈՒ-ում դժբախտ դեպքերի ու դրա պատճառների մասին։

Նրա խոսքով, ամենայն հավանականությամբ մեղավորներ են փնտրում, որ իրենց մեղքը բարդեն ինչ որ մեկի վրա։ Քննությունը հավանաբար կգլխավորի վարչապետը, որ հաջողությամբ կոծկեն, ինչպես Ազատ գյուղում 15 զինվորի մահվան դեպքում։

«Անպատասխանատու, անմարդկային, ոչ մի հետևություն, կարևորը զենք ու զրահով, զորքով շրջագայող Փաշինյանն ու Պապիկյանն են, մնացածը զոհեր են։ Տարեկան 100-ին հասնող զոհեր են միայն բանակի ներսում, սրան գումարած սահմանի զոհերը։ Զոհերն են այս իշխանության ձեռքբերումը»,-նշել է նա։