Ձեր վստահելի աղբյուրը

«Ուզում եմ տեղեկացնել, որ Երևանի կանաչապատման, ծառերի հատմանն ու փոխարինմանը նվիրված հաղորդումը, որին պետք է մասնակցեին ինչպես անկախ փորձագետները, այնպես էլ քաղաքապետարանի մասնագետները, այսօր չնկարահանհվեց»,-«Բուժինֆո» հաղորդման հեղինակ, բժիշկ Վահե Տեր-Մինասյանը։

Նրա խոսքով, ցավոք, անտեսելով նախնական պայմանավորվածությունը, նկարահանումից ժամեր առաջ, մեզ առաջդրվեցին օբեկտիվությունն ու բազմակարծությունը չապահովող պայմաններ ու պահանջներ։

«Ընդ որում, որքան էլ տարօրինակ է, նման պահանջ դրվեց տրամաբանորեն եթերի գլխավոր շահառու՝ ընդդիմադիր թիմի կողմից…

Նման իրավիճակում, ես, որպես հեռուստատետային թիմի ղեկավար, և բազմակարծությունն ու օբեկտիվությունը գնահատող քաղաքացի, որոշեցի չեղարկել նկարահանումը։

Արդյունքում.
1. Հեռուստադիտողը զրկվեց իրական փորձագիտական բանավեճից ու ինֆորմացիայից։
2. Իմ թիմի նախապատրաստական հսկա աշխատանքը ջուրն ընկավ
3. Ես, որպես երկրի քաղաքացի, հերթական անգամ համոզվեցի, որ քաղաքականությունը կեղտոտ բան է, իսկ մեր գործիչները ցավոք չեն կարողանում իրենց անձանական էմոցիաները տարանջատել  հանրային գործունեությունից…
Առողջ եղեք»։

Ավլի վաղ նա տեղեկացրել էր՝ նկարահանվելու է «Բուժինֆո»-ի հատուկ թողարկում՝ նվիրված Երևանում իրականացվող «ծառահատում-ծառերի փոխարինում...» ծրագրին։ Հրավերն ընդունել են ինչպես անկախ փորձագետները, այնպես էլ քաղաքապետարանը։