![](https://panorama.am/news_images/997/2989301_1/f661a38febf838_661a38febf878.thumb.png)
Օրենբուրգի շրջանի հեղեղված շրջաններից տարհանվել է ավելի քան 13 հազար մարդ
ՌԴ Օրենբուրգի շրջանի հեղեղված տարածքներից տարհանվել է ավելի քան 13 հազար մարդ։ Այս մասին հայտնում է երկրամասի կառավարությունը Telegram-ի իր ալիքում։
«Հեղեղված տնային տնտեսություններից և անձնական հողամասերից ընդհանուր առմամբ տարհանվել է 13 194 մարդ, որից 1145 մարդ, այդ թվում՝ 212 երեխա, տեղավորվել են 38 ժամանակավոր կացարաններում»,- ասվում է հրապարակման մեջ։
Վերջին տվյալներով, մարզում ջրի տակ է հայտնվել 12 213 տուն և 17 203 կենցաղային հողատարածք։
Շաբաթ առավոտյան Օրսկի հատվածում Ուրալ գետի ջրի մակարդակը կազմում է 731 սանտիմետր, կրիտիկական մակարդակը՝ 700 սանտիմետր։
Ռիա նովոստին հիշեցնում է, որ Հարավային Ուրալի շրջաններն այս տարի աննախադեպ ջրհեղեղների են բախվել։ Ամենաբարդ իրավիճակը Օրենբուրգի մարզում է։ Ապրիլի 5-ին ճեղքվել է ամբարտակը, որը պաշտպանում էր Օրսկը Ուրալ գետից։ Իշխանությունները զանգվածային տարհանումներ են իրականացրել։
Հարակից հրապարակումներ`
- Ռուսաստանում հեղեղումներ են, Ուրալ գետի ջրի մակարդակը հասել է 1143 սմ
- Ղազախսստանում 96 հազար մարդ է տարհանվել ջրհեղեղների պատճառով
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան