![](https://panorama.am/news_images/997/2990033_1/0000000000000000000000000000000.thumb.jpg)
5-ամյա երեխայի մահվանը նախորդած շրջանի վերաբերյալ որոշակի տվյալներ են ստացվել. Գոռ Աբրահամյան
Ապրիլի 9-ին «Արմենիա» բժշկական կենտրոնից ոստիկանության Մաշտոցի բաժին ահազանգել էին, որ «կենսաբանական մահ» ախտորոշմամբ իրենց մոտ է տեղափոխվել երեխայի մարմին։ Ոստիկանները պարզել են, որ մահացածը Երևանի բնակիչ 5-ամյա Դաննա Բ.-ն է։ Դեպքի հանգամանքները և պատճառները ճշտելու համար Panoarama.am-ը դիմեց ՀՀ քննչական կոմիտեի նախագահի մամուլի խոսնակ Գոռ Աբրահամյանին։
Գ. Աբրահամյան-Ապրիլի 9-ին ոստիկանությունից հաղորդում ենք ստացել, որ նույն օրը «կենսաբանական մահով» բժշկական կենտրոն է տեղափոխվել 5-ամյա մի աղջիկ երեխա։ Ներկայացված հաղորդման առթիվ հարուցվել է քերական վարույթ՝ Քրեկան օրենսգրքի 155-րդ հոդվածի առաջին մասով։ Իրականացվում է նախաքննություն երեխայի մահվան հանգամանքները, պատճառները պարզելու ուղղությամբ։ Նշանակված է դիակի դատաբժշկական փորձաքննություն, որն էական նշանակություն կունենա մահվան պատճառներն պարզելու ուղղությամբ։
Քննությամբ նաև մահվանը նախորդած շրջանի վերաբերյալ որոշակի տվյալներ են ստացվել, որոնց ուղղությամբ այս պահին քննություն է իրականացվում, բայց քանի որ դետալներ ներկայացնելը չի բխում վարույթի, նախաքննության շահերից՝ մանարմասների մեջ չեմ կարող մտնել։
Panoarama.am-Քրեական վարույթը հարուցվել է ՔՕ 155-րդ հոդվածով՝ սպանության հիմքով, ինչո՞վ է այն պայմանավորված։
Գ. Աբրահամյան-Երբ ՔԿ-ն հաղորդում է ստանում մահվան վերաբերյալ, որպեսզի հնարավոր լինի քննչական գործողություններ կատարել, պետք է հոդված ներկայացվի, և այդ քրեական վարույթի շրջանակներում նոր քննություն իրականացվի։ Նախկին կարգավորումներն այլ էին՝ նյութեր էին նախապատրաստվում, որից հետո նոր որոշվում էր, թե ինչ հոդվածով քննություն արվեր։ Ներկայում «Քրեական դատավարության մասին» օրենքի պահանջով նախ որևէ հոդվածով գործ է հարուցվում, որից հետո նոր քննչական գործողություն է արվում։ Այդ պատճառով, եթե հանկարծամահության հաղորդում է ստացվում, անմիջապես գործ է հարուցվում սպանության հոդվածով և երբ քննության ընթացքում այն հերքվում է, ապա դիտարկվում է որպես հանկարծամահություն։
Հարակից հրապարակումներ`
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան