Ձեր վստահելի աղբյուրը

Հայաստանի բարձր տեխնոլոգիաների արդյունաբերության  նախարարությունը հանդիպել է ռազմարդյունաբերության ոլորտում գործունեություն ծավալող բոլոր ընկերությունների հետ, քննարկել առկա խնդիրները։ Իրականացվել են մի քանի զինատեսակի ներքին փորձարկումներ, որոնք մոտ ապագայում կկիրառվեն  Հայաստանի զինված ուժերում:

«Արմենպրես»-ի հաղորդմամբ՝ այս մասին նշեlլ է Բարձր տեխնոլոգիական արդյունաբերության  նախարար Մխիթար Հայրապետյանը՝  իր պաշտոնավարման 100 օրվան նվիրված մամուլի ասուլիսի ժամանակ։

Մ. Հայրապետյանը նշել է, որ պաշտոնավարման հենց առաջին օրվանից ռազմարդյունաբերության ոլորտը եղել է իր ուշադրության կենտրոնում:

«Այս ուղղությունը բարձր տեխնոլոգիաների և տեղեկատվական տեխնոլոգիաների հետ մեկտեղ, մեծ ուշադրության է արժանացել իմ կողմից, որովհետև այդ ուղղությունները և՛ նախարարության, և՛ կառավարության համար առաջնահերթություն են»,-ասել  է նա:

Նախարարի պաշտոնը զբաղեցնողը  նաև տեղեկացրել է, որ մի քանի զինատեսակի և կառավարման մի քանի համակարգի գծով իրականացվել են ներքին փորձարկումներ, որոնք մոտ ապագայում Հայաստանի ԶՈւ-ում կիրառվելու  հնարավորություն կունենան:

Նա հավելել է, որ ռազմարդյունաբերության ոլորտում գործունեություն ծավալող բոլոր ընկերությունների հետ հանդիպել են, վեր են հանել բոլոր խնդիրները, ակնկալում են, որ մի շարք խնդիրներ առաջիկայում կկարգավորվեն։

Մանրամասները՝ սկզբնաղբյուր կայքում։