Ձեր վստահելի աղբյուրը

«Իսլամական պետությունը, որը կազմակերպել էր եզիների ցեղասպանությունը 2014 թվականին, միայնակ չէր, «Իսլամական պետության» թիկունքին Թուրքիան էր, ԻՊ բազաների մի մասը Թուրքիայում էր»,- Ազգային ժողովում արտահերթ նիստի ժամանակ ասաց «Հայաստան» խմբակցության պատգամավոր Գեղամ Մանուկյանը։

Նա նշեց, որ առևանգած եզդի կանանց, տղամարդկանց վաճառում էին Ուրֆայի, հարավային այլ քաղաքների շուկաներում։

««Իսլամական պետությունը» ձևավորվեց նաև Արևմուտքի աջացությամբ ինչ է թե Սիրիայի իշխանություններին գահընկեց անեն և դարձավ պատուհաս ամբողջ մարդկության համար»,- ասաց Մանուկյանը։

Նա նաև հիշեցրեց, որ 2006 թվականին Ստամբուլում մասնակցել է  միջազգային մեծ համաժողովի և այն ժամանակ վարչապետ Էրդողանի աչքերի մեջ նայելով ասել է՝ ունեցեք խիզախություն դատապարտելու Հայոց ցեղասպանությունը։

«Այն ժամանակ մտքիս ծայրով անգամ չէի պատկերացնի, որ տարիներ հետո Հայաստանում կունենանք մի իշխանություն, որը կասկածելի, վտանգավոր, խիստ վտանգավոր թեզեր է հրապարակ նետում»,- ասաց Գեղամ Մանուկյանը։

Նշենք, որ  Ազգային ժողովի արտահերթ նիստի օրակարգում է «Հայաստանի Հանրապետության տոների և հիշատակի օրերի մասին» օրենքում փոփոխություն կատարել մասին նախագիծն է Իրաքի հյուսիսային Սինջար շրջանում ցեղասպանության ենթարկված եզդիների հիշատակի օր սահմանելու վերաբերյալ։ Առաջարկվում է նախագծով  2014 թ. Սինջարի եզիդիների ցեղասպանության զոհերի հիաշատակի օր նշվի  օգոստոսի 3-ին։