Ձեր վստահելի աղբյուրը

«Իրականում սարսափելի է, որ կրկնօրինակվում է ադրբեջանցիների գործելաոճը, իսկ մենք տարիների ընթացքում տեսել ենք, թե ինչպես են իրենք նվաստացնում հայ գերիներին»,- ՔԿ Երևանի քննչական վարչության դիմաց Panorama.am-ի հետ զրույցում ասաց Ադրբեջանի հարցերով փորձագետ Անժելա Էիբեգովան՝ պատասխանելով հարցին, որ տարիներ շարունակ լսում ենք, թե ինչպես են հայ գերիներին խոշտանգում, նվաստացնում Բավքի բանտերում, և այսօր նմանատիպ գործոլաոճ է կիրառվել Հայաստանում՝ Հայաստանի քաղաքացու նկատմամբ։

Հիշեցնենք՝  նախօրեին փաստաբանները հայտնել էին, որ ՔՊ-ական պատգամավոր Հակոբ Ասլանյանին հանրային տրանսպորտում իր քաղաքացիական դիրքորոշումը հայտնած Սամվել Վարդանյանին ձերբակալվածների պահման վայր  տեղափոխող ոստիկանները, բնական կարիքները հոգալու պատճառաբանությամբ, դուրս են եկել մեքենայից, որից հետո դիմակավորված անձինք բացել են մեքենայի դուռը, որտեղ եղել է ձեռնաշղթայված Վարդանյանը, դուրս են հանել նրան ավտոմեքենայից ու բռնության ենթարկել՝ նվաստացնելով արժանապատվությունը։

Ա. Էլիբեգովան ընդգծեց՝ այն, ինչ նկարագրել է Սամվելը, առնվազն շատ նման է, թե ինչպես են վարվում հայ գերիների հետ ադրբեջանցիները  Բաքվի բանտերում։

«Ամբողջ հասարակության համար սարսափելի ազդակ է, որ Հայաստանում հայերի հանդեպ սկսել են կիրառել նույնօրինակ խոշտանգման ձևեր։ Այսինքն, լավ բան չեն սովորում ոչ ոքից, սովորում են միայն ադրբեջանցիներից ինչպես տանջել, նվաստացնել հայերին։ Սա անընդունելի է, և, իհարկե, սարսափելի է։

Սամվելը քաղաքացի է և նորմալ է էմոցիոնալ պոռթկումներն այն մարդկանց հանդեպ, որոնք արդարացանում են հող հանձնելը, Արցախից հրաժարվելը։

Նորմալ է, որ արժանապատվություն ունեցող քաղաքացին  պետք է նման արձագանք տա երևույթին, նորմալ չէ, երբ որ ադրբեջանաթուրքական ոճով այդ մարդուն սկսում են դրա համար խոշտանգել՝ ևս մեկ անգամ ապացուցելով իրեն էությունը»,- ասաց Ա. Էլիբեգովան։