Ձեր վստահելի աղբյուրը

«Այսօր պետականության շատ լուրջ ճգնաժամի մասին է  խոսք գնում, որի ոչ լուծումը, ոչ դրսևորումները Տավուշում չեն, 4 գյուղում չեն»,- «Տավուշ. արտաքի՞ն, թե՞ ներքին դիմադրության շարժում» թեմայով քննարկմանն ասաց Այլընտրանքային նախագծեր խմբի համահիմնադիր Վահե Հովհաննիսյանը։

Նա ընդգծեց, որ Տավուշում  չի որոշվելու արտաքին դիմադրությունը, բայց Տավուշը կարող է ստիպել ներքին լուրջ դիմադրության շարժում սկսելու տագնապի նշանը, որին բոլորը պարտավոր են անդամագրվել։

«Պետությունը դեգրադացիայի մեջ է մտել։ Երբ որ քեզ արտաքին ագրեսորը, հարևանը ուլտիմատում է ներկայացնում ու դու գնում ես, պայմանական ասած, հանձնվող տարածքների գյուղացիների հետ ես դա քնարկում, շատ լուրջ դեգրադացիայի մասին է խոսում։ Պետության ներքին կյանքում կան շատ լուրջ  դեգրադացիոն պրոցեսներ են։ Հիմա մենք պետք է օգտագործելով Տավուշի առիթը` փորձել ներքին դիմադրության  շարժում ստեղծել, որը կփորձի տեր կանգնել երկրին, փոխել իրավիճակը»,- ասաց վերլուծաբանը։

Վահե Հովհաննիսյանի խոսքով, ապրիլի 5-ին բյուսելյան հանդիպումի հետո Հայաստանը հայտնվել է տարածաշրջանային նոր մեկուսացման մեջ. «Ապրիլի 5-ի հանդիպումից առաջ և հետո մեր հարևանները՝ Իրան, Ադրբեջան, Թուրքիա, Ռուսաստան, հայտարարություններ են ընդունել, որով ցույց են տալիս մեր իզոլյացիան։ Մենք մեր աշխարհաքաղաքականությամբ  իզոլացվել ենք։ Այդ հանդիպման միակ արդյունքը դա է։ Սա նոր իրկանություն է»։

Մանրամասն՝ տեսանյութում։