Ձեր վստահելի աղբյուրը

«Հայտարարությունները, թե հայերը լքել են Լեռնային Ղարաբաղը ռուս խաղաղապահների անգործության պատճառով, ճիշտ չեն»,-այս մասին ռուսական մի քանի լրատվամիջոցի տված հարցազրույցում ասել է ՌԴ ԱԳ նախարար Սերգեյ Լավրովը։

«Ասել, թե հայերը հեռացել են Ղարաբաղից, իբր մեր խաղաղապահների անգործության պատճառով, սխալ է»,- ասել է նա։

«Ես իսկապես կցանկանայի այս պատասխանը եզրափակել սկզբում իմ ասածով։ Նիկոլ Վովաևիչ Փաշինյանն ասաց, որ իրենք գնահատում են այն, ինչ ունեցել են Ռուսաստանի հետ, դժվար է գերագնահատել այն, ինչ Ռուսաստանը արել է անվտանգության, տնտեսության, ինքնիշխանության համար, և այն, ինչ եղել է և կա մեր հարաբերություններում, պետք է գնահատել»,- նշել է Լավրովը։

ՌԴ ԱԳ նախարարը հույս է հայտնել, որ Ն.Փաշինյանը շփումներ կունենա Ռուսաստանի նախագահ Վլադիմիր Պուտինի հետ, որտեղ հնարավոր կլինի անկեղծ քննարկում ունենալ՝ առանց այն փաստարկների, «որոնք բարձրացնում են մեր արևմտյան չարակամները»։