Ձեր վստահելի աղբյուրը

Երևանում մեկնարկել է «Հայկական նախագիծ» գիտակրթական ՀԿ-ի կազմակերպած «Ինքնիշխան նախագծեր․ համագործակցությունը Եվրասիայում» խորագիրը կրող միջոցառումը, որին մասնակցում են փորձագետներ, նաև՝ դեսպաններ։ 

«Այստեղ՝ Երևանում հավաքվել են երեք կողմերը՝ Հայաստանից, Ռուսաստանից և Իրանից,  որոնք հետաքրքրված են տարածաշրջանին վերաբերող կարևոր հարցերով, զարգացումներով»,- իր բացման խոսքում ասաց քաղաքագետ Էդգար Էլբակյանը։

Իր ելույթում ՀՀ-ում Իրանի դեսպան Մեհդի Սոբհանին ընդգծեց, որ այս տարածշրջանը աշխարհաքաղաքական կենտրոն է դարձել։

«Ես ուզում եմ շնորհակալություն հայտնել այս նախաձեռնության կազմակերպիչներին։  Տարածաշրջանում էսկալացիայի բացառումն ու  կայունության ամրապնդումը բխում է Իրանի շահերից:  Իրանի համար Կովկասում  ցանկացած զարգացում, հատկապես աշխարհաքաղաքական փոփոխություն, կարող է ազդել անվտանգության և շահերի վրա, հետևաբար խաղաղության անվտանգության և կայունության վրա»,-ասաց դեսպանը։

Դեսպանը նաը ընդգծեց, որ պետք է հարգել  Հայաստանի տարածքային ամբողջականությունը և այս համատեքստում շեշտեց՝Իրանը դեմ է սահմանների փոփոխությանը։

Ավելի մանրամասն՝ տեսանյութում։