Ձեր վստահելի աղբյուրը

«Համայնքապետերն ինձ ասացին, որ ոչ մի ընդհանուր հայտարարի էլ չեն եկել, ինչպես որոշվել է, այդպես էլ գնում է»,-ՀՀ քննչական կոմիտեի դիմաց հայտնեց պահեստազորի գնդապետ Միհրան Մախսուդյանը՝ պատասխանելով նախօրեին Նիկոլ Փաշինյանի մոտ համայնքների ղեկավարների հանդիպման մասին հարցին։

Հիշեցնենք, որ Մախսուդյանը նախօրեին ծանուցում է ստացել ՀՀ Քննչական կոմիտե ներկայանալու համար։

Նա հայտնեց, որ Կիրանց գյուղի մի քանի տներ և գերեզմաններն անցնում են Ադրբեջանի տարածք, ինչին դեմ են տեղի բնակիչները։

«Այդ մարդիկ ինքնասիրություն ունեն՝ ի տարբերություն սրանց, որ ինքնասիրություն չունեն։ Մարդիկ ինքնասիրություն ունեն, իրենց գերեզմաններն են ուզում պահեն, տներն են ուզում պահեն»,-ասաց պահեստազորի գնդապետը և շարունակեց. «Ես պայքարում եմ այդ հողի համար, որի վրա դեռ արյունը չի սառել, բայց այսօր ասում են՝ եկեք ադրբեջանցիների, թուրքի հետ ապրեք։ Եթե ՀՀ-ում կա այդպիսի մեկը, որ կարող է թուրքի հետ ապրի, ես Ոսկեպարի իմ տունը տալիս եմ, կիրանցիները նույնպես տալիս են, թող գան բնակվեն, իրենց երեխաներին էլ տանեն Ոսկեպարի կամ Կիրանցի դպրաց»։

Հայտարարելով, որ չի վախենում քրեական գործից, կամ կալանավորվելուց՝ Մախսուդյանն ասաց. «Ես իմ ճանապարհն ընտրել եմ՝ ազատություն, մահ կամ բերդ՝ այդ երեք ճանապարհն է։ Եթե դրանով փորձում են ինձ լռեցնեն, ես չեմ լռելու»։

Գնդապետը հայտնեց, որ իր պապը, հայրը և եղբայրն է զոհվել այդ հողերի համար և ինքը պատրաստ չէ զիջեկ, ավելի շուտ կզոհվի, քան կթողնի այդ գյուղերը։

Նա հայտնեց, որ եթե ադրբեջանցիները Սուրբ Աստվածածին եկեղեցուց 3 մետ հեռու կանգնի, ապա այն արդեն հայերինը չի լինի։