Ձեր վստահելի աղբյուրը

«Գործընթացը երկրաչափական պրոգրեսիայով ավելի է ակտիվանում ու տարածվում, հետևաբար սա այն փուլն է, որ այստեղի մարդկանց քանակով այևս չի որոշվում ընդհանուր մթնոլորտը»,-Տավուշում լրագրողների հետ զրուցում ասաց «Հայկական պետականության համար» համակարգող կենտրոնի հիմնադիր, քաղաքագետ Սուրեն Պետրոսյանը՝ պատասխանելով հարցին, թե, կարծեք, այսօր ավելի հանդարտ է այստեղ մյուս օրերի համեմատ։

Նա նշեց, որ Հայաստանի ողջ տարածքում մթնոլորտն այլ է, սպասելիքներն այլ են,  մարդկանց պատրաստակամությունը՝ մասնակցել գործընթացներին, այլ է։

«Հետևաբար, որևէ կերպ չի կարելի այստեղ հավաքված մարդկանց թվով չափել ակտիվության մակարդակը»,- նշեց նա։

Ս. Պետրոսյանն ասաց, որ ամբողջ Հայաստանում, Սփյուռքում հսկայական դժգոհության ալիք է բարձրացել և տավուշյան գործընթացներից բոլորն ունեն ակնկալիք։ 

«Խնդիրները լուծվելու են Երևանում, բայց Տավուշը, իմ խորին համոզմամբ, որպես ամեն ինչի օջախ, սկզբնաղբյուր մնալու է»,- նշեց քաղաքագետը։ 

Նա ընդգծեց, որ այստեղ առաջնորդ գտնելու խնդիր չկա. «Խնդիրը ինչ-որ մարդուն վարչապետ դարձնելը չէ, գործընթացը, բոլորդ գիտեք, ինչի մասին է։ Բոլորի գերխնդիրն այս գործընթացը հաջողելն է, ոչ թե՝ ով կլինի, ինչ պաշտոնի»։

Ս.Պետրոսյանը հայտնեց, որ տեղեկություն չունի, թե ովքեր և քանի հոգի են մասնակցում Նիկոլ Փաշինյանի հետ հանդիպմանը,  բայց համոզված է, որ  այս գործընթացի վրա ազդեցություն չի կարող ունենալ։