Ձեր վստահելի աղբյուրը

«Ձեր արգումենտացիան, ըստ էության, հետևյան է՝ դելիմիտացիայի, դեմարկացիայի հիմք հանդիսանա շփման գիծը։ Շփման գծերը ձևավորվում են ռազմական ուժի ճանապարհով, ուրիշ ձև չկա»,- Ազգային ժողովի նիստում ունեցած ելույթում ասաց ԱԺ փոխախագահ, ՔՊ-ական Ռուբեն Ռուբինյանը՝ դիմելով ընդդիմությանը։

Նա նշեց, որ շփման գիծը ձևավորվում է՝ երկու կողմից բանակով գալիս են առաջ, ով որտեղ կարողանում, կանգնում է։

«Ո՞վ ունի, ըստ մեզ, ագրեսիվ նպատակներ՝ Հայաստա՞նը, թե՞ Ադրբեջանը։ Հայաստանը ագրեսիվ նպատակներ չունի, Ադրբեջանն էլ ունի։ Հետևաբոր, ո՞ր կողմին է ձեռնտու  շփման գիծը, այսինքն ուժով ձևավորվող շփման գիծը վերցնել դելմիտացիայի հիմք, ընդ որում ի տարբերություն սահմանի, որը իրավաբանական  հասկացություն է, շփման գիծն առաձգական բան է։ 

Համ գալիս եք, փորձում եք քանդել Ալմաթիի տրամաբանությունը, համ ուզում եք իրավաբանորեն հիմնավորված սահմանը չլինի դելմիտացիայի հիմքը, այլ շփման գիծը, համ ասում եք՝ ինչու Սև լճից չեք սկսում։ Մենք սա անում ենք, որպեսզի հիմնավորենք և Սև լճի օկուպացիան, և Սոթքի, և Ներքին Հանդի, Բերքաբերի, Ջերմուկի և այսպես շարունակ։

Ձեր տրամաբանությամբ որ գնանք՝ սա ջունգլի է, ով ինչքան ուժ ունի, այնտեղ կանգնում է։ Չե՞ք հասկանում՝ սա անտրամաբանական հակասություն է»,- ասաց Ռ.Ռուբինյանը։