Ձեր վստահելի աղբյուրը

«ՔՊ-ն ևս մեկ անգամ մերժեց պետականանպաստ այս հայտարարության ընդունումը և դրանով իսկ ևս մեկ անգամ դրժելով իր նախընտրական խոստումները, ևս մեկ անգամ հաստատելով, որ ինքը, ըստ էության հայ ժողովրդի հայկական պետականության հետ առնչություն չունի»,-ասաց «Հայաստան» խմբակցության քարտուղար Արծվիկ Մինասյանը և նշեց, որ ՔՊ-ի ներկայացուցիչները հնչեցրին ադրբեջանական փաստարկներ։

Մինչ այդ ՔՊ-ական պատգամավորները 51 դեմ ձայնով մերժեցին «Հայաստան» խմբակցության հեղինակած «ՀՀ-ի և ադրբեջանական հանրապետության միջև սահմանազատման և սահմանագծման վերաբերյալ» հայտարարության նախագիծը, իսկ ընդդիմադիր 27 պատգամավոր կողմ քվեարկեց։

«Մինչդեռ մեր առաջարկի բուն նպատակը՝ միաջազգային իրավունքին համապատասխան ապահովել Հայաստանի Հանրապետության անվտանգության ավելի բարձր մակարդակ է՝ պաշտպանված միջազգային իրավունքներով»,- ասաց Մինասյանը։

Նա հայնտնեց, որ իշխանության կատարածը տանում է Հայաստանի միակողմանի զիջումներին։

Արծվիկ Մինասյանը նաև հայտնեց, որ հայտարարությամբ ամրագրված էր, որ Հայաստանի և Ադրբեջանի միջև սահմանազատումը որևէ կերպ չպետք է սահմանափակի ԼՂ ժողովրդի իրավունքը վերադառնալու իր հայրենիք և որոշի Արցախի կարգավիճակը

«Մեծամասնությունը դեմ քվեարկելով ևս մեկ անգամ ցույց տվեց, որ ինքն ուրացել է Արցախը»,- հայտարարեց Արծվիկ Մինասյանը։