Ձեր վստահելի աղբյուրը

Կիրանցում իրավիճակը շարունակում է լարված մնալ։Քաղաքացիները շարունակում են ոստիկաններից պահանջել, որպեսզի բացեն ճանապարհը։ Ոստիկանները պատ կազմած,առանց արձաքանելու լսում են։

«Պարոն ոստիկան, խնդրում ենք, բացեք, մեր հայրենակիցների կողքին լինենք, անձնագիր էլ ենք վերցրել, որ չասեք՝ ՀՀ քաղաքացի չեք, ինչ ենք ուզում՝ ընդամենը մեր քույր ու եղբայրների, մեր տատի կողքը լինենք, որը երեք օր առաջ ուզում է երեխուն դրել է հողն ու չի ուզում, որ ադրբեջանցուն դա մնա։ Ախր էլ ոնց ասեմ, որ ձեր հուզականությանն ու մարդկային որակներին ո՞նց ազդեմ,չգիտեմ՝ ոնց ասեմ, որ ձեզ հասու լինի։ 2018թ․-ին էլ է նույն բանը, որը շրջադարձային եղավ։ Հանցավոր համաձայնություն է դա,  չի կարելի,պարոն ոստիկան»,-ասաց Վանաձորից եկած քաղաքացին՝ ոստիկանին։

Ըստ քաղաքացու՝ ոստիկաններն ասել են, որ գաղտնի, հատուկ գործություն են կատարում և իր անվտանգությունն են ապահովում։

«Հիմա ՔՊ-ից են սնվում ու հրամաններ են կատարում, չեմ էլ ուզում արդարացնել։ Եթե մարդը կարող է դուրս գալ եկեղեցու ու սրբազանի դեմ, ապա տվյալ անձնավորությունը, մեղմ ասած, սրիկա է, ուրիշ ոչ մի պիտակ չես կարող կպցնել։ Ես վանաձորցի եմ, ես Տավուշը չեմ առանձնացնում, ինչ տարբերություն Վանաձոր, Տավուշ,թե Երևան։ Եթե մի կողմից թույլ տվեցինք ադրբերջանցիների մուտքը, ապա դա լինելու է շարունակական, ինչպես եղավ Արցախի ժամանակ, ուղղակի նվեր տվեց վարչապետի աթոռին հարմարված անձը»,- ասաց քաղաքացին։

Նա նշեց, որ պայքարին միացել է ապրիլի 22-ից և ամեն օր տավուշցիների կողքին է։

«Հայ գործարարին խնդրում եմ, քաղաքացիներին խնդրում եմ, մի խոսքով՝  «յան» ազգանունը կրող բոլոր մարդկանց խնդրում եմ միանալ պայքարին, ինքակազմավորվել։ Սա իրոք սրբազան պայքար է, ես բռնության կոչեր չեմ անում։ Եթե եկեղեցին դուրս է եկել, սրբազանը կարող է ժամերով գետնին նստել, հայ մարդը չի կարող լուռ մնալ, եկեք կողքը կանգնենք ու փորձենք ազատագրել մեր Հայաստանը թշնամուց»,- ասաց քաղաքացին՝ շեշտելով, որ որպես քաղաքացի ամաչում է նման իշխանություն ունենալու համար։