Ձեր վստահելի աղբյուրը

«Նման արարքները քրեականացված չեն, քրեականացված է հոգեբանական  բռնությունը, ատելության խոսքը, բռնության արդարացումը և բռնությունը քարոզելը»,- ԱԺ-ում լրագրողների հետ զրույցում ասաց ՀՀ գլխավոր դատախազ Աննա Վարդապետյանը՝ պատասխանելով հարցին, թե «հակահայ վիժվածք» արտահայտությո՞ւնն է խուլիգանություն, թե՞ քաղաքացու վրա թքելը, ձեռքերը ոլորելը կամ  հրապարակային սպառնալ՝ լեզուդ կկտրեմ, ականջդ կկտրեմ։

Հարց հնչեց՝ Ալեն Սիմոնյանը թքեց քաղաքացու վրա, ՔՊ-ական Արթուր Հովհաննիսյանը սպառնաց, եթե քաղաքացին ինքն է թքում բարձրաստիճան պաշտոնյայի վրա, այդ դեպքում  կնախաձեռնե՞ք քրեական վարույթ, առհասարակ՝ քաղաքացու դեմքին թքելը, առավել ևս  բարձրաստիճան պաշտոնյայի կողմից, քրեորերեն հետապանդելի արա՞րք է թե՞ ոչ,  նա պատասխանեց. «Խուլիգանության հանցակազմի առումով, այո։ Խուլիգանության հանցակազմի համար կարևոր է, որ  լինի հասարակական կարգի կոպիտ խախտում։ Հիմա դուք ոչ մի ձև չեք կարողանում իմ ասածի  հետ հաշտվել, որովհետև ձեզ համար խուլիգանությունն  առօրյա կիրառվող հասկացություն է, որ յուրաքանչյուր արարք... Եթե մեկը բարձր գոռա, կասեն  խուլիգանի մեկն է, բայց քրեաիրավական իմաստով այդպես չէ։

Ոչ սպառնալիքը, որը որ հնչում է առանց իրական հիմքեր ունենալու և ոչ էլ  նման միջանձնային սիմպատիաներով կամ անտիսիմպատիաներով պայմանավորված թքելը, ինքը հանցակազմ չի պարունակում»։