Ձեր վստահելի աղբյուրը

«Մենք երկու տարի առաջ պայքարի դուրս եկանք Եռաբլուրում, հավաքվեցիքն ու երդում տվեցինք։  Այդ օրվանից սկսել ենք մեր պայքարը ու լիահույս ենք, որ այս շարժումով կավարտենք»,- Կիրանցից  քայլերթից առաջ ասաց Արցախյան երրորդ պատերազմում զոհված զինծառայող Հակոբ Ռոստոմյանի հայրը՝ Արա Ռոստոմյանը։

Նա նշեց, որ եթե նույնիսկ այս շարժումով էլ չավարտվի, իրենք շարունակելու ենք իրենց պայքարը մինչև իրենց կյանքի վերջ. «Ինչպես Բագրատ Սրբազանն ասաց՝ կամ իրենք, կամ մենք»։

Զոհված զինծառայողներից մեկի հայրը շարունակեց. «Հազարավոր տղաներ իրենց կյանքը տվեցին մեր երկու պետությունների համար։  Ցավոք, այսպես եղավ, մեր տղաներին դավաճանեցին։ Մեր տղաները մեզ պատգամ են թողել՝ գոնե այսքանը պետք է կարողանանք պահել։ Դիմում եմ մեր հերոս տղաների ծնողներին՝ եկել է ժամանակը մեր տղերքի պատգամը կատարենք, գոնե այս եղածը պահել»։