Ձեր վստահելի աղբյուրը

Մայիսի 1-ից հունիսի 1-ը Հայաստանում տեղի կունենա GARoon սննդի 5-րդ փառատոնը:

Այս տարի կազմակերպիչները պատրաստել են իսկական ԳԱՌՆավալ։  Փառատոնի մասնակիցների թվում են Երևանի եվրոպական և հայկական ռեստորանները (Ալյասկա, Չինար, Ոստան, Common Ground, Tumanyan’s Art), Դիլիջանի (Flying Ostrich by Dolmama, Թավա, Կճուճ) և Գեղարդի (Dreamy Doms) ռեստորանները:
 

Այնուամենայնիվ, ինչո՞ւ  GARoon-Գարուն։  GARashka-ն՝ գառան միսը,  գաստրո ոլորտում բացառիկ մսատեսակ է համարվում։  Այն  խոհարարներից պահանջում է առանձնահատուկ վարպետություն և որակյալ բաղադրիչներ, ինչպես նաև համեմունքների և մարինադների զգույշ օգտագործում՝ իսկապես ճշգրտորեն ընդգծելու այն մսի համը, որը հայերը  պատրաստում են ավելի քան 1000 տարի և նորաձև թրենդներ են հաղորդում:

Մայիս ամսին է գառնուկը հասնում իր օպտիմալ քաշին՝ 10-15 կգ։ Այդ գառնուկի միսը համարվում է ամենահամեղը, նուրբն ու հյութեղը։

#GARoon փառատոնով բացվում է տարվա հայկական փառատոների օրացույցը, ինչը համընկնում է ամառային տուրիստական սեզոնի մեկնարկի հետ։

«Հուսով ենք, որ փառատոնը կգրավի ավելի ու ավելի շատ մասնակիցների, կսահմանի որակի չափանիշ և կներգրավի մարզերի հյուրընկալության ոլորտն այս նախաձեռնության մեջ: Այս տարի ունենք երեք նոր մասնակից, որոնց նախագծերը մեկնարկել են վերջին երկու տարում»,- նշում են կազմակերպիչները։

Կանոնների համաձայն՝ յուրաքանչյուր մասնակից ռեստորան պարտավոր է նախապատրաստել գառան մսով առնվազն 3  կերակրատեսակներ, որոնք մատուցվում են փառատոնի ամբողջ ընթացքում մեկական բաժակ կարմիր գինու հետ։ Ամեն տարի խիստ ընտրություն է  կատարվում։   2024թ.-ին «Հին Արենի»-ն կլրացնի խոհարարների վարպետությունը  հայկական գինեգործության դասական նմուշով՝  Areni Noir-ով, որն աճեցվում է  Վայոց ձորի մարզում 1250 մ բարձրության վրա։



Margaryan Business Group ռեստորանային խմբի հիմնադիր և փառատոնի հեղինակ Կարեն Մարգարյանը  շեշտում է, որ մասնակցության հիմնական պայմանը ավանդական խոհանոցում կարծրատիպերի կոտրումն է, նոր ուտեստների ներառումը և առավելագույնս վառ ու ցայտուն կերպով հյուրերին միջոցառման մասին  իրազեկելը՝  ուտեստների մատուցման և ոչ ստանդարտ համադրությունների միջոցով: Գառան մսով նոր ուտեստների ստեղծումը մի հնարավորություն է՝ հարգանքի տուրք մատուցելու հայկական գաստրո ավանդույթին, քանի որ գառան միսը պատմականորեն կարևոր բաղադրիչ է հայկական խոհանոցում։

Փառատոնի մեկնարկին նախորդում է պարտադիր համտես, որտեղ ընտրվում է նախնական ֆավորիտը. ճաշատեսակն ընտրվում է մասնակիցների փակ քվեարկությամբ։ Այս տարի առաջին տեղը զբաղեցրել է «Չինար» ռեստորանը, որի շեֆ-խոհարար Սուսաննա Ղուկասյանը գառան մսով տոլմա է ներկայացրել՝ մատուցված սոխի մեջ և ֆիրմային սոուսով։ Համտեսի ընթացքում երկրորդ տեղը նորեկ է զբաղեցրել՝  Գեղամա լեռներում գտնվող շքեղ գլամփինգ Dreamy Doms-ը՝ Արարատ լեռան ֆանտաստիկ տեսարանով:


Շեֆ-խոհարար Գոռ Ղուկասյանը ներկայացրեց 13 ժամ ջեռոցում եփված գառան մսով բրիոշը և դրանով գերեց մասնակիցներին: Երրորդ տեղը զբաղեցրել է փառատոնի վետերանը՝ «Ոստան» ռեստորանը, որը 2024 թվականին ներկայացրել է ռեկորդային թվով 5 ճաշատեսակներ, իսկ շեֆ խոհարար Սուրեն Արգամյանը մատուցել է գառանի՝ հեղինակային ու խմբային ուտեստ պատրաստված վառարանում ամենաքնքուշ գառան մսից, որը միշտ մատուցվում է չոր լավաշով։



Հյուրընկալության ոլորտի վետերան, ինչպես նաև դիլիջանյան «Թավա»  և «Կճուճ» նախագծերի հեղինակ Վարդան Ավետիսյանը խոստանում է, որ 2024-ին հյուրերը կհիշեն հայկական, եվրոպական և միջերկրածովյան խոհանոցի անսովոր համադրությունը, իսկ հայկական կճուճներում և թավաներում գտնվող ուտեստների ֆիրմային մատուցումը  կտպավորի փառատոնի նույնիսկ ամենագիտակ երկրպագուներին։

Flying Ostrich by Dolmama-ն շարունակում է Ժիրայր Ավանյանի խոհարարական ժառանգությունը և ընդգծում Հայաստանի գաստրոնոմիական մայրաքաղաքի կարգավիճակը՝ պատրաստելով հետաքրքիր ճաշացանկ՝ ներառյալ գառան ռուլետ բալի թանձրուկով և կանաչ լոբով, գառան բուդ թթի թանձրուկով և շամպինիոնով, գառան թիակ չիչխանի թանձրուկով և կարտոֆիլով։ Դասական բաղադրիչները նոր մեկնաբանությամբ ներկայացնելը հանդիսանում է ռեստորանի և շեֆ խոհարարներ Ռուսլան Բադալյանի ու Գեղեցիկ Գրիգորյանի այցեքարտը:

Մարիա և Գրիգորի Կարելսկիները «Common Ground» նախագծի համահեղինակներն են, որը բացվել է մայրաքաղաքում գրեթե մեկ տարի առաջ և այս ընթացքում դարձել է երևանցիների և Երևանի հյուրերի սիրելի վայրերից։  Սա և՛ գրախանութ է, և՛ մշակութային տարածք, և՛ գինեդարան, որը ներկայացնում է հատկապես հայկական գինեգործության շահերն ու նորույթները, և՛ փոքրիկ սրճարան։ Սա փառատոնի միակ ոչ հայ մասնակիցն է, որը, սակայն, առաջ է տանում ինչպես հայկական ավանդույթները, այնպես էլ խոհանոցը, ինչը շատ արժեքավոր է կազմակերպիչների համար։ Մարիայի խոսքով, քանի որ նախագիծը կոչված է միավորելու մարդկանց տարբեր խմբեր և ձևավորելու նոր միասնական քաղաքային միջավայր, իրենց համար կարևոր է ցույց տալ ճաշատեսակների հետաքրքիր ընտրանի՝  ռեստորանի ինչպես մշտական, այնպես էլ նոր հյուրերի համար: Այս տարի վայելեք գարունը Բաղրամյան 6 հասցեում գտնվող կանաչ այգում՝ համտեսելով գառան խաշլամա, լահմաջո գառան մսով և ֆիրմային չակապուլի։

Ստեփանակերտում Tumanyan’s Art հայտնի գողտրիկ անկյունի հիմնադիր Քրիստին Բալայանը 2023 թվականի դեկտեմբերին կարողացավ ռեստորանը վերաբացել  արդեն Երևանում, որտեղ արդեն  յուրաքանչյուրին հասանելի է արցախյան համն ու հոտը և անմոռանալի մթնոլորտը: Մոսկովյան 6/7 հասցեում գտնվող ռեստորան-պատկերասրահում այս տարի կսպասեն ձեզ՝ առաջարկելու ոչ ստանդարտ ժենգյալով հաց գառան մանրացրած մսով, գառան կողիկներով ջեռեփուկ a la Ռատատույ և Քրիստինի հեղինակային ուտեստը՝ վառարանում խորոված գառան փորոտիքը բրնձով և արցախյան ձևով։ .

Հայաստանի մարզերում միջազգային չափանիշներով որակյալ հանգիստ ապահովելու գաղափարախոս Շուշաննա Կոստանյանը Գեղարդում սպասում է բնության, անմոռանալի տեսարանների և օրիգինալ խոհանոցի բոլոր սիրահարներին Dreamy Domes-ում. Առաջին անգամ կարող եք վայելել հայկական և ֆրանսիական խոհանոցի միքսը՝ համտեսելով գառան մսով օրզո, սմբուկով և մածունով գառան չալաղաջ, ինչպես նաև գառան մսով յուրահատուկ բրիոշ։

Ինչպես ազդարարում է փառատոնի կարգախոսը՝ գարունը եկել է, գառան միս ուտելու ժամանակն է։ Կազմակերպիչներն անհամբեր սպասում են  գաստրո տպավորություններին #GARoon սեզոնից։