Ձեր վստահելի աղբյուրը

Քաղաքագետ Անուշ Սեդրակյանը ֆեյսբուքի իր էջում տարածել է  «Մեր Ձայնը» կանանց նախաձեռնության հայտարարությունը, որում ասվում է.

«Հայաստանի Հանրապետության ճակատագրական էկզիստենցիալ պայմաններում կառավարությունը իրականացնում է ակնհայտ հակապետական և պարտվողական որոշումներ` երկիրը տանելով  պետականազրկման և դրանից բխող  անվտանգության մարտահրավերների:

Ժամանակն է կասեցնել այս միտումնավորլ քայքայիչ քաղաքականությունը դրսից պարտադրվող օրակարգերով:

Մենք `ներքոստորագրյալներս ,ազդարարում ենք Հայաստանի կանանց միավորման «Մեր ձայնը»նախաձեռնության մասին: Մեր նպատակներն են պայքարել Հայաստանի ինքնիշխանության համար, իրական արևմտյան արժեքների տարածման, հանրային և պետական օղակներում կնոջ դերակատարության և մասնակցության  բարձրացման համար:

Բոլոր կանանց կոչ ենք անում համախմբվել  և դեմ առ դեմ պայքարելու այս պարտվողական քաղաքականության դեմ`իբրև ուղեցույց ունենալով մարդու իրավունքների ,համամարդկային արժեքների,ազգային ինքնության և արժանապատվության փոխլրացնող և անքակտելի սկզբունքները

«Մեր Ձայնը» կանանց նախաձեռնություն:
Զարուհի Մուրադյան
Անուշ Սեդրակյան
Յանա Գաբրիելյան-Մանթաշևա
Վերոնիկա Շահնազարյան
Անուշիկ Հարությունյան-Ջերեջյան
Հելենա Մելքոնյան»։