Ձեր վստահելի աղբյուրը

«Այս շարժման վերջնանպատակը պետք է լինի՝  արդարություն և հաղթանակ»,- լրագրողներին ասաց Դադիվանք վանական համալիրի նախկին վանահայր Տեր Հովհաննես քահանա Հովհաննիսյանը, որը նույնպես միացել է ՀԱԵ Տավուշի թեմի առաջնորդ Բագրատ արքեպիսկոպոս Գալստանյանի առաջնորդած քայլերթին։

Նա նշեց, որ եկեղեցին միշտ եղել է ժողովրդի հետ, հոգևորականները՝ իրենց հոգևոր հոտի հետ։

Տեր Հովհաննես քահանան ասաց, որ թուրք-ազերիներին լավ գիտի, գիտի նրանց ձեռագիրը, նրանք խաղաղություն պարգևող չեն հայ ազգին. «Լավ իմացեք, իրենք կքանդեն ամեն ինչ, իսկ ռուս խաղաղապահները,  որ լքեցին... Չլքեցին, մենք ասացինք՝ Արցախը Ադրբեջան է։ Էլ իրենք այնտեղ գործ չունեին անելու»։

«Ես 2023 թվականի սեպտեմբերի 17-ին ասել եմ՝ իմ հայ ժողովուրդ, ոտքի, ցեղասպանություն է սպասվում, ոտքի։ Բայց ոտքի չելան։

Արցախը մենք՝ հայ ժողովուրդը, պետք է պահեր, ոչ թե ուրիշները։ Երեք պայման դրեցին, առաջինը, որ պետք է ինտեգրվենք, ինչն անհնար էր, անհնար էր թուրքի լծի տակ ապրելը, երկրորդ՝ պատերազմել, որը հնարավոր չէր, որովհետև Հայաստանը մեր երաշխավորը չէր, ասաց՝ մեր  երաշխավորն է, բայց մեր թիկունքում չկանգնեց, երրորդ՝ թողնենք և հեռանանք։ Ընտրեցինք երրորդը։

Ես այս իշխանությանը չեմ ընդունում, չեմ ընդունում այն լեզուն, որն ասում է՝ Արցախն Ադրբեջան է։ Այդ լեզուն պետք է կտրես։ Այն ձեռքն էլ պետք է կտրես, որը ստորագրել է, որ Արցախն Ադրբեջան է։

Ով հայ է, թող միանա մեզ, որ փրկենք Հայաստանը, Արցախ աշխարհը»։