Ձեր վստահելի աղբյուրը

«Ողջույն մեծապատիվ իմ ժողովուրդ, խլված Եռատոնդ շնորհավոր լինի։ Վերադառնալու ենք կրկին՝ Եռատոնը տոնելու, հավաստիացնում եմ՝ մոտ  է այդ օրը»,- Հանրապետության հրապարակում ընթացող հավաքին իր ելույթն այսպես սկսեց ԵՊՀ արևելագիտության ֆակուլտետի նախկին դեկան, պրոֆեսոր Գուրգեն Մելիքյանը։

Պրոֆեսորը շեշտեց, որ մեզանից խլել են մեր հավատը։

«Դարեր շարունակ մեր եկեղեցին տեր է կանգնել մեր ժողովրդին՝ պետականություն չունենալու պայմաններում, այսօր իր առաքելությունը նորից է ստանձնել եկեղեցին։ Ձեր կամքի և հզորության առաջ խլել են մեզանից մեր հոգևորը, արժանապատվությունը, հավատացնում եմ ձեզ՝ խարազանն  իրենց է լինելու, գալու է այդ օրը։ Պարտավոր ենք սատար կանգնել Հայոց ուժին։ Մեր կոչումը դա է՝  զինվորագրվել ենք Հայոց գործին, ապացույցը՝ ձեր ներկայությունն է այստեղ։ Ճշմարտությունը երկրի սահմաններից եկավ ասյտեղ՝ հայոց մայրաքաղաք և ողջ հայությանն արթնացրեց։ Թող Հայաստանի կյանքում սկսվի արժանապատվության, ճշմարտության և իրական խաղաղության շրջանը »,- հավելեց նա։

Ավելի մանրամասն՝ տեսանյութում։