![](https://panorama.am/news_images/1001/3001199_1/capture_v1.thumb.jpg)
«Էջմիածին» դաշինքի ղեկավարը բերման է ենթարկվել զենք-զինամթերք պահելու կասկածանքով, հայտնաբերվել է մեկ բաժակ Դուետ սուրճ. Փաստաբան
Փաստաբան Ալեքսանդր Կոչուբաևը հայտնում է.
«Բերման են ենթարկվել «Էջմիածին» դաշինքի ղեկավար Սևակ Խաչատրյանն ու դաշինքի այլ անդամներ՝ երկրի ղեկավարի պաշտոնը զբաղեցնողին «սուրճի» հրավիրելու համար:
Սևակ Խաչատրյանի մոտ, ով բերման է ենթարկվել զենք-զինամթերք պահելու կասկածանքով, հայտնաբերվել է մեկ բաժակ Դուետ սուրճ:
Շատ շուտով կանդրադառնամ հերթական ռեպրեսիվ բեսպրեդելության մանրամասներին»։
Ավելի վաղ հաղորդել էինք, որ ոստիկանությունը վաղ առավոտյան Էջմիածնից բողոքի ցույցի մասնակիցների է բերման ենթարկել՝ Նիկոլ Փաշինյանի այցը դպրոց չխափանելու համար:
Հիշեցնենք, որ «Էջմիածին դաշինքի» ավագանու խմբակցության ղեկավար Սևակ Խաչատրյանը հայտնել էր, որ մայիսի 11-ի առավոտյան 8:30-ին «Էջմիածին դաշինքի» անդամներով լինելու են էջմիածնի թիվ 7 հիմնական դպրոցի բակում, որպեսզի ««սուրճի հրավիրենք» ՔՊ ղեկավար Նիկոլ Փաշինյանին»։
«Մեր ունեցած տեղեկություններով վաղը 09:00 քպ-ի ղեկավարը լինելու է այդ դպրոցում»,- գրել է նա։
Հարակից հրապարակումներ`
Լրահոս
Տեսանյութեր
![«Ոսկե ծիրան» կինոփառատոնը լի է բազմաթիվ անակնկալներով](https://panorama.am/video_images/17/49883_1/f6685309dbca8b_6685309dbcacf.jpg)
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)