![](https://panorama.am/news_images/1001/3001614_1/17.thumb.jpg)
Անցումային կառավարությունը և նրա սկզբունքները
«Անցումային կառավարությունը պետք է դառնա հաշտության կառավարություն՝ ձևավորվելով բոլոր ունակ և ընդունակ բարձր մասնագիտության մարդկանցով, հնարավորություն տալով անկախ կուսակցական և այլ պատկանելիությունից մարդկանց ներգրավելու այդ հաշտության կառավարության մեջ»,- Հանրապետության հրապարակում հանրահավաքի ժամանակ ասաց Տավուշի թեմի առաջնորդ Բագրատ արքեպիսկոպոս Գալստանյանը։
Նա նշեց, որ պետք է գերիշխի ներքին հաշտեցման մթնոլորտը՝ հիմնված արդարության սկզբունքի վրա։
«Պետական կառավարման քաղծառայողների համակարգը պետք է լինի կայուն և ապահով ոչ թե սրա, նրա քմահաճույքով պայմանավորված, հարազատների, բարեկամների լցոնումներով պայմանավորված։
Պետք է երաշխավորի ազատ և արդար ընտրությունները գալիք կառավարության, մնայուն կառավարության համար։
Մինչև նոր ընտրությունները չպետք է լինեն որևէ կերպով սահմանադրության ամբողջական փոփոխությունների մասին խոսակցություններ։
Պետք է հանձնառու լինել շարունակել խաղաղ բանակցությունները։
Պետք է մերժել հականերով արտաքին քաղաքականությունը՝ հրաժարվելով գործիք դառնալ, զարգացնելով իր սեփական, հայկական օրակարգը, բարեկամների փնտրտուքով, բայց ոչ երբեք հույսը միայն բարեկամների վրա դնելով, այլ ապավինելով սեփական ժողովրդի ուժականությանը և կամքին։
Չճանչելով որևէ ուժով ձևավորված որևէ իրողություն, չլեգիտիմացնելով ուժի կիրառված իրողությունները, բոլոր կարգավորումները պետք է տեղի ունենան բանակցությունների արդյունքներով, միջազգային իրավունքի, արդարության սկզունքի հիման վրա։
Ոչ ոք չի կարող պարտադրել մեզ փոխել մեր հայկական օրակարգը՝ իր բոլոր ենթատեքստերով։
Մեր տարածշարջանի և հարևանների ստեղծած թշնամական իրադրությունը մեզ ստիպում է լինել ոչ «սովորական», այլ դառնալ հատուկ պետություն, որից պետք է բխեն բոլոր հայեցակարգային դրույթները տարածված ողջ համակարգերի վրա։
Կառավարման համակարգ պետք է վերադառնան բոլոր փորձառու մասնագետները՝ դիվանագտներ, զինվորականներ, պետական ծառայության մեջ գտնվող բոլոր անձինք, ովքեր ինքնկամ հեռացել են կամ անադարացիորեն հեռացվել են նույնիսկ մեկ «լայք» դնելու պատճառով։
Պետք է նոր հայեցակարգ մշակել Սփյուռքի հետ հարաբերության համար։
Հայաստանը պետք է մուտք գործի հետպատերազմյան ապաքինման, զարգացման փուլ, որը ենթադրում է նոր բարքեր, նոր վարքագիծ: Սկսած չաղտոտելուց մեր հայրենիքը, մինչև ամենաքաղաքական, ռազմական հարցերի արծարծումը:
Պետք է կասեցվի մի շարք վիճակահարույց, անհեթեթ ծրագրերի իրականացումը՝ Ակադեմիական քաղաք կոչված, հայոց լեզուն գիտության ոլորտից դուրս մղելու կառավարության որոշումը, տրանսպորտի թանկացում, ...
Պետք է բանտերից ազատ արձակվեն բոլոր քաղաքական հայացքներով բանտարկյալները, ինչպես նաև ամբողջ ջանքը ներդրվի վերադարձնելու Արցախի Հանրապետության ռազմաքաղաքական ղեկավարությանն ու բոլոր գերեվարված տղաներին։
Զարգացնել և մշակել նոր ռազմական դոկտրին՝ կանխարգելման և որևէ սպառնալիքի դեպքում անհամաչափ հարվածների սկզբունքով։
Հետախուզության և հակահետախուզության զարգացման նոր հայեցակարգ՝ հնարավորինս չեզոքացնելով բոլոր սպառնալիքները։
Պարենային անվտանգություն. մեր պայմաններում, որտեղ տևական շրջափակման սպառնալիքներ են, տնտեսությունն ամեն գնով դարձնել ինքնաբավ բոլոր ճյուղերով։
Մարդու իրավունքները, քաղաքացու ազատությունները, ժողովրդավարական արժեքների հաստատում՝ հատուկ ուշադրություն դարձնելով ազգային փոքրամասնություններին, մեր սիրելի համայնքներին։
Այս բոլոր կետերը պետք է լինեն ժամանակավոր, անցումային կառավարության օրակարգը, հայեցակարգը, որը պետք է առաջնորդվի այս սկզբունքներվ։ Եվ ես հավատում եմ, որ հոգևոր Հայաստանը հաղթի թազա Հայաստանին։
Նոր և նորացող ուժեղ, մեր ազգային հերոս Մովսես Գորգիսյանի հռչակումով՝ այն Հայաստանը, որ գալիս է շատ շուտով»,- իր ելույթում ասաց Բագրատ Սրբազանը։
Հարակից հրապարակումներ`
- Վաղվա հաղթանակը շատ մոտ է, ժողովո՛ւրդ.Բագրատ Սրբազան
- Բագրատ Սրբազանը Սամսոնյանի ու Սաղաթելյանի դատավորին հորդորեց վաղը գործել խղճի մտոք
- Ով կբաժանի արցախցի-հայաստանցի, նա ուրացող է. Բագրատ սրբազան
- Վեհափառն ինքը կորոշի՝ երբ է հարմար, երբ հարմար չի. Բագրատ Սրբազան
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան