Ձեր վստահելի աղբյուրը

Ազատամարտիկ Իշխան Գևորգյանն այսօր միայնակ մետաղյա շղթայի օգնությամբ փակել էր դեպի Բարեկամության տանող ճանապարհը։ Նա շղթայի մի ծայրը կողպեքով ամրացրել է իր ձեռքին։ Նա այդ քայլին դիմել է զոհված զինծառայողի մոր՝ տիկին Գոհարի նկատմամբ ոստիկանների վատ վերաբերմունքի պատճառով։

Panorama-am-ին Իշխան Գևորգյանը հայտնեց, որոստիկանները նախ կտրել են շղթայի մի կողմը, որպեսզի ճանապարհը բացեն, այնուհետև մյուս կողմը, որպեսզի իրեն բերման ենթարկեն ոստիկանության Արաբկիրի բաժանմունք։

«Բոլոր ոստիկանների հետ խոսեցի, ասացի որ հաշվի առնեն, որ զոհված զինվորի ծնողի հետ պետք է այլ վերաբերմունք ունենան, երբևիցե մատով չպետք է կպնել, քանի որ այն կարող է բերել էմոցիոնալ  և շատ խնդրահարույց վիճակների։ Հասկացան, ընդունեցին։ Ես էլ ասացի որ ուշադիր կհետևեմ, որ տիկին Գոհարի հետ նման դեպք այլևս տեղի չունենա։ Բաց թողեցին, դուրս եկա ոստիկանության բաժանմունքից։ Ոստիկանները շղթաս վերցրեցին»,- ասաց ազատամարտիկը։

Նա հավելեց. «Իմ բողոքի ակցիան նվիրված էր նաև Տավուշին, հայրենիքի ինքնիշխան տարածքների պահպանմանը, իշխանությունների ստին, բայց հիմնականը, որ  ինչ-որ սրբություն պետք է մեր երկում մնա, զոհվածի  զինվորի ծնողն ամենասուրբ կերպարն է, որ կարող է լինել։ Հունից մի հանեք այն տղերքին, ովքեր պատերազմից վերադարձել են, որովհետև ամեն մեկս մի ռեակցիա ենք տալիս զոհվածի ծնողի հետ կատարվողին։ Ես յուրաքանչյուր զոհված զինվորի մոր մեջ իմ մորն եմ տեսնում և պատկերացնում եմ, թե ինչ վիճակում նա կլիներ, եթե ես հետ չգայի»։