Ձեր վստահելի աղբյուրը

«Գիտությունների Ազգային ակադեմիայի Պատմության ինստիտուտն այն հաստատությունն է, որ  միշտ քաղաքացիական նկարագիր ունեցող մարդկանցով է զինված եղել»,- ՀԱԵ Տավուշի թեմի առաջանրոդ Բագրատ արքեպիսկոսպոս Գալստանյանի հետ հանդիպմանն ասաց Պատմության ինստիտուտի տնօրեն Աշոտ Մելքոնյանը։

Նա նշեց, որ մի՞թե մենք այն ժողովուրդը չէինք, որ 90-ականներին հաղթեցինք. «Տարիների ընթացքում մեզանում բան փոխվեց, մարդը դարձավ կրավորական վարքագծի տեր, խոնարհվող, այն, ինչ որ Օսմանյան կայսրության շրջանում ունեինք, կամաց-կամաց պատեց այդ հոգեբանությունը և անընդհատ դարձանք զիջող։

Կյանքը ցույց տվեց, որ թշնամին չի փոխվել, նույնն է, ուղղակի մարդկանց մեջ վախ է ներշնչել, որ մեր թշնամին այնքան հզոր է, որ մենք անընդհատ Թումանյանի ասած կկվի նման անխելք անընդհատ զիջենք մեր ձագերին երևի վերջում Երևանի շուրջ ամփոփվենք, մնանք Բաթումի պայմանագրի շրջանակներում՝ Երևանից մինչև Սևան։

Ձեր շարժման, մեր շարժման ամենակարևոր կողմն այն է, որ ատելության, փոխադարձ մերժման, ուրացման մթնոլորտից մենք պետք է դուրս գանք։ Ինչքան մենք իրար ատում ենք, այնքան մեր թշնամիներն են դրանից օգտվում։ Տեսեք ուր հասանք, որ մեր թշնամիները մեզ թելադրեն, թե  ինչպես պետք է վարվենք մեր խորհրանիշների հետ։

Առանց մեր պատմական հայրենքի՝ 400 հազար քառակուսի մետրի որևէ պատմաբան  չի պատկերացնում իր մասնագիտական ունակությունների դրսևորումը»։