Ձեր վստահելի աղբյուրը

 «Այսօր ջերմ ընդունելության ենք արժանացել Պատմության ինստիտուտում, Գրողների միությունում, Նկարիչների միությունում, ԳԱԱ-ում։ Ես ասեմ, որ ԳԱԱ-ի  դռները մեր առջև փակ չէին, պահակային ծառայությունն ասաց՝ բարձրանամ թույլտվություն վերցնենք, ինջնենք, ես ասացի՝ կարիք չկա, որովհետև տեղյակ են, որ գալիս ենք, կարող էին իջնել դիմավորել ու գնացինք Պատմության ինստիտուտ։ Հետո հետ դարձին աշխատակիցներն իրենք լուսամուտից ողջունեցին, հրավիրեցին, ողջագուրվեցինք ու այսպես շարունակ»,- Սուրբ Աննա եկեղեցու բակում, որտեղ ընթանում է  «Տավուշը՝ հանուն հայրենիքի» շարժման ամփոփիչ հավաքը, ասաց Բագրատ Սրբազանը։

Նա նշեց, որ տեղական խնդիր չէ, մեր հայրենիքի ամբողջականության խնդիրն է։

«ԵՊՀ ուսումնական գծով պրոռեկտոր Էլինա Ասրիյանն այսօր ժողով է հրավիել բուհի դեկանների հետ և հանձնարարել նրանց, որ անպայման նշեն բոլոր ուսանողների բացակայությունը։ Նա ասել է, որ բոլոր ուսունանողներին, որոնք շատ բացականեր ունեն, պետք է նկատողություն հայտարարել և հավելել՝ պետք է ամեն գնով դադարեցնել դասադուլը։ Ասել է՝ «պետք լինի 1000 ուսանող էլ կհեռացնեմ համալսարանից»։ Հիմա ես ասում եմ՝ վաղը 1000 ուսանող և ավելին դասադուլ արեք»,- ասաց Բագրատ Սրբազանը։

Բագրատ Սրբազանը նաև տեղեկացրեց, որ վաղը՝ 10:00-ին, այցելելու է ԵՊՀ, հետո՝ Ժուռնալիստների միություն, ապա՝ մետրո։