Ձեր վստահելի աղբյուրը

«Դուք ևս մեկ անգամ փաստում եք, որ բոլոր տեսակի ահաբեկումները, սարսափ տարածելու փորձերը, վախեցնելը, ստով մոլորեցնելը, խաբելը,  բարեվարքի համար գնահատական չնշանակելը, այս բոլոր բարքերը ձեր համար արժեք չունեն, մեկ արժեք  գոյություն ունի, մեկ սյուն, որը պարփակված է Աստված, հայրենիք և ճշմարտություն արժեքների մեջ, որից բխում են ճշմարտությունը, արդարությունը, հաշտությունը, սերը քաջությունը և, բնականաբար, հաղթանակը»,- ԵՊՀ-ի դիմաց ուսանողներին դիմեց Բագրատ Սրբազանը։

«Այսքան պարտված ստորացած նվաստացած վիճակը՝ թե՛ ինքներս մեր մեջ, թե՛ արտաքին աշխարհի դիմաց մեզ ընդհանրապես որևէ կերպով ձևով հարիր չէ»,-ասաց Բագրատ Սրբազանը և հայտնեց, որ յուրաքանչյուրն իրավունք ունի արտահայտվելու, իսկ ովքեր պաշտոնները պահպանելու համար ձգտում են խոչընդոտել, ոչ հայրենիք ունեն, ոչ սիրտ։

Սրբազանը հայտարարեց. «Ուսանողներ ջան, մեկ վայրկյան անգամ չկասկածեք, որ այն, ինչ անում եք ճշմարտություն է, դուք լծված եք մեծ առաքելության՝ մեր երկրում փոփոխություններ բերլու առաքելության։ Որը վերացական չէ, այլ բոլորիս կյանքն է»։