![](https://panorama.am/news_images/1002/3003033_1/86c69ea9_cf18_4fac_a554_68baccdad090.thumb.jpg)
Կարելի էր մարտաֆիլմ նկարահանել, այնպիսի ոստիկանական ներուժ էին բերել․ Նարինե Դիլբարյան
Այս շարժումն ունի լուրջ հիմքեր, որովհետև սկսած 2021թ-ի արտահերթ ընտրություններից մինչ այս պահը վարչապետի պաշտոն զբաղեցնող Նիկոլ Փաշինյանը կորցրել է իր լեգիտիմությունը։ Այս մասին Panorama.am-ի հետ զրույցում ասաց Նարինե Դիլբարյանը։
Նրա խոսքով՝ Փաշինյանը խախտել է իր իսկ ԱԺ-ում ընդունված ծրագիրը։
«Ծրագրում ոչինչ նշված չէ սահմանագծման ու սահմանազատման վերաբերյալ, Արցախի հանձնման վերաբերյալ և «իրական ու պատմական Հայաստան» կեղծ խոսույթը բերելու, հստակ իշխանական ճգնաժամ է։ Վարչապետը խախտել է իր ծրագիրը։ Ուստի ծնված այս շարժումը, որը ցույց է տալիս, որ Նիկոլ Փաշինյանը չունի լեգիտիմություն, գնալով ծավալվում է»,- ասաց նա։
Անդրադառնալով Ազգային օպերայի և բալետի թատրոնում տեղի ունեցող միջոցառման համար ոստիկանական ուժերի կենտրոնացմանը, քաղաքական-հասարակական գործիչը նշեց․
«Ինձ մոտ տպավորություն առաջացավ, որ կարելի էր մարտաֆիլմ նկարահանել, այնպիսի ներուժ էին բերել։ Կարծում եմ՝ ՎԶԵԲ-ի գործընկերները ևս տեսան,թե ինչպիսի պետություն է Հայաստանը։ Այսօր մենք պայքարում ենք ոչ միայն Սահմանադրական կարգը վերականգնելու, այլև տարրական ժողովրդավարական իրավունքների համար։ Համոզված եմ՝ ժողովրդավարության համար պայքարող ժողովուրդը չի կարող հաջողության չհասնել»։
Ավելի մանրամասն՝ տեսանյութում։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան