Ձեր վստահելի աղբյուրը

«Ով, եթե ոչ արցախցին, ավելի լավ է գիտակցում այն բոլոր ծուղակները, որոնք կան Հայաստանի շուրջ և այն բոլոր վտանգները, որոնք կան ու դեռ սպասվում են Հայաստանին»,- Panorama.am-ի հետ զրույցում ասաց Արցախի Հանրապետության Ազգային ժողովի «Արդարություն» խմբակցության պատգամավոր Մետաքսե Հակոբյանը, ով «Տավուշը հանուն հայրենիքի» շարժման կոչով կառավարության մոտ էր։

Նա ընդգծեց, որ Արցախի հանձնման սցենարը հաջողել է այս իշխանությունների մոտ, նույն սցենարով տեղի է ունենում Հայաստանի  կեղեքումը, ծվատումը և, ըստ էության, անվտանգային ողջ համակարգի փլուզումը։

«Բնական է, որ մենք չենք կարող մեր տեղերում նստել, առավել ևս երբ եկեղեցին է  այդ ահազանգը տալիս։ Չի կարող քրիստոնյան չլինել իր եկեղեցում՝ պաշտպանելու ու պաշտպանված լինելու այլ տարբերակ չկա»,- ասաց Մ.Հակոբյանը։

Նա նշեց, որ այսօր բոլոր հայերով պայքարում են ոչ թե ընդդեմ ինչ- որ բանի. «Այս պայքարը նույնիսկ ընդդեմ այս իշխանությունների չէ, այս պայքարը հանուն հայրենիքի է, իրական խաղաղության, անվտանգության, պարտքերի մարման, որոնք ունենք մեր սերունդների նկատմամբ, ունենք մեր նահատակված հերոսների առջև։ Մենք այդ ամեն ինչը պետք է անենք և սա պայքար է հանունի»։ 

Մանրամասն՝ տեսանյութում։