Անկարգություններից հետո իրավիճակը Նոր Կալեդոնիայում և դրա հետ Ադրբեջանի պահը
Նոր Կալեդոնիայի կառավարական ծառայությունները ուրբաթ օրը հայտնել են, որ չորրորդ գիշերը անկարգությունների սկսվելուց հետո, երբ Ֆրանսիան Նումեայում արտակարգ դրություն է հայտարարել «ավելի հանգիստ» է եղել: Փարիզը, որի անդրծովյան տարածքն է կղզին, հայտարարել էր անվտանգության լրացուցիչ ուժեր ուղարկելու մասին։ Այդ մասին հայտնում է euronews-ը։
Արտակարգ դրությունը կտևի առնվազն 12 օր, և նավահանգիստներն ու օդանավակայանները պաշտպանելու և շրջափակված ոստիկանական ստորաբաժանումներին օգնության հասնելու համար 1000 զինվորականներ կժամանեն Նոր Կալեդոնիա (ի լրումն Նոր Կալեդոնիայում արդեն տեղակայված 1700-ի):
Պարետային ժամը երկարացվել էր մինչև ուրբաթ առավոտ, ասել է արտասահմանյան տարածքի գերագույն հանձնակատար Լուի Լը Ֆրանկը։
Վերջին տվյալներով՝ երկուշաբթի օրվանից, երբ Էմանուել Մակրոնի կառավարության կողմից քվեարկության համակարգի առաջարկվող բարեփոխման դեմ Նոր Կալեդոնիայում բողոքի ցույցեր են սկսվել, մահացել է 5 մարդ, այդ թվում՝ երկու ժանդարմ։ Ըստ Լուի Լը Ֆրանկի՝ հինգշաբթի օրը ոստիկանության հետ բախումների, հրկիզումների և թալանի հետևանքով առնվազն 60 անվտանգության աշխատակից վիրավորվել են, և 214 մարդ ձերբակալվել է։
Հինգ մահացածների թվում են բնիկ Քանակ համայնքի երկու ներկայացուցիչներ, իր հերթին ճշտել է ՆԳ նախարարը։ Ըստ Ժերալդ Դարմանինի՝ 10 հոգի, ենթադրաբար, անկախության կողմնակից խմբից են, որը հայտնի է որպես Field Acton համակարգող խումբ, գտնվում են տնային կալանքի տակ: Ապրիլին խումբն աջակցել է կղզում ֆրանսիական իշխանությունների դեմ մի քանի բողոքի ցույցերի:
Կանակի առաջին ազգերի ղեկավարների ազգային խորհուրդը դատապարտել է «վանդալիզմի և հրազենային բռնության գործողությունները», սակայն հերքել է այն պնդումները, որ անկախության շարժումը ներգրավված է եղել մահացու բռնության մեջ:
Նախօրեին ներքին գործերի նախարար Ժերալդ Դարմանինը հավաստիացրել էր, որ «խաղաղությունը» կվերականգնվի, և կառավարությունը «չի դիտարկում» սահմանադրական բարեփոխումները հետ կանչելու հնարավորությունը, որոնք առաջացրել են անկարգությունները։
Անկարգությունները սկսվել են այն ժամանակ, երբ Փարիզում Ֆրանսիայի օրենսդիր ժողովը քննարկում էր Ֆրանսիայի սահմանադրության փոփոխությունները Նոր Կալեդոնիայում ընտրական ցուցակները փոխելու համար: Չորեքշաբթի օրը Ազգային ժողովը հաստատեց մի օրինագիծ, որը, ի թիվս այլ փոփոխությունների, թույլ կտա 10 տարի Նոր Կալեդոնիայում բնակվող բնակիչներին քվեարկել նահանգային ընտրություններում:
Նախագծի հակառակորդներն ասում են, որ դա օգուտ կբերի Նոր Կալեդոնիայի ֆրանսիամետ քաղաքական գործիչներին և ավելի մարգինալացնելու Կանակներին, որոնք տարիներ շարունակ տուժել են տարանջատման և խտրականության հետևանքով:
Ի՞նչ կապ ունի Ադրբեջանը դրա հետ։
Ինչպես հաղորդում է AFP-ն, Դարմանենը հինգշաբթի ասել է, որ Ադրբեջանի իշխանությունները միջամտում են Նոր Կալեդոնիայում տեղի ունեցող իրադարձություններին։
«Սա ֆանտազիա չէ. Ցավոք, որոշ անջատողականներ համաձայնության են եկել Ադրբեջանի հետ»,-ասել է ՆԳ նախարարը France 2-ին տված հարցազրույցում: Նա հավելել է, որ «նույնիսկ եթե միջամտության փորձեր լինեն, Ֆրանսիան դեռ պահպանում է ինքնիշխանությունը սեփական տարածքի նկատմամբ»:
Դարմանինը չի հստակեցրել, թե ինչ միջամտության մասին է խոսքը, սակայն ի պատասխան այս մեղադրանքի՝ Ադրբեջանի ԱԳՆ մամուլի ծառայությունը հատուկ հայտարարություն է հրապարակել, որում «մերժում է ֆրանսիացի նախարարի անհիմն կարծիքները»։
Միևնույն ժամանակ, ինչպես հաղորդում է BBC-ն, ապրիլի վերջին ադրբեջանական պետական «Ազերթաջ» գործակալությունը հայտնել էր, որ Նոր Կալեդոնիայի խորհրդարանի անդամներից մեկը, որը ներկայացնում է բնիկ բնակչությունը, շնորհակալություն է հայտնել Բաքվին «իրենց ցուցաբերած աջակցության համար։ «Փաստ, որ Ադրբեջանը մեզ հետ է եղել գաղութատիրության դեմ մեր պայքարում, հանուն անկախության»,-ասել է նա Բաքվում, որտեղ անցկացվել է «Նոր Կալեդոնիա. պատմություն, ժամանակակից մարտահրավերներ և սպասվող ապագա» գիտաժողովը։
Այցի ընթացքում պատգամավոր Նեյսելին Օմայրան, ով գլխավորում է Նոր Կալեդոնիայի Կոնգրեսի ենթակառուցվածքների հանձնաժողովը, համագործակցության հուշագիր է ստորագրել Ադրբեջանի հետ։
«Սա ներառում է քաղաքական աջակցություն։ Միևնույն ժամանակ, մենք կկարողանանք զարգացնել մեր համագործակցությունը այնպիսի ոլորտներում, ինչպիսիք են տնտեսությունը, մշակույթը և բնապահպանությունը։ Մեզ համար նոր էջ է բացվում, այսօր մենք երկու ժողովուրդների միջև նոր պատմության հիմքն ենք դնում»,-ադրբեջանական լրատվամիջոցները մեջբերում են Օմայրա ։
Ադրբեջանական APA գործակալությունը հայտնում է նաև, որ Ֆրանսիայի անդրօվկիանոսյան տարածքներում անկախության համար Նոր Կալեդոնիայում տեղի ունեցած իրադարձությունների կապակցությամբ Բաքվի 14 շարժումների նախաձեռնող խումբը հայտարարություն է հրապարակել։
«Հայտարարությունը դատապարտում է Կանակի-Նոր Կալեդոնիայում ընտրական զանգվածի ընդլայնման օգտին ֆրանսիական կառավարության կողմից անօրինական փոփոխությունների հարկադիր իրականացումը, ինչպես նաև լիակատար աջակցություն է հայտնում Կանակի ժողովրդին»։
Հարակից հրապարակումներ`
Լրահոս
Տեսանյութեր
ՀԱՊԿ-ը ստեղծում է սպառնալիքներ ՀՀ անվտանգության, հետագա գոյության, ինքնիշխանության համար. Փաշինյան
