Ձեր վստահելի աղբյուրը

«Գյուղն իմ ճանաչած գյուղը չէր, կյանքն էր փոխվել, երբ մտանք գյուղ, կարծես, ուրվականների տարածք լիներ, մարդ չկար»,- Կիրանցից վերադառնալով՝ լրագրողներին ասաց  Տավուշի թեմի առաջնորդ, «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը։

Սրբազանն ասաց. «Մեր հայրենիքում իմ դիմաց փակ ճանապարհ չի կարող լինել, կամ հրեշտակներն էին տարել ին Կիրանց, կամ ոստիկանական համակարգ էլ գոյություն չունի»։  

Հիշեցնենք, որ արդեն քանի օր թույլ են տալիս Կիրանց մուտք գործել միայն կիրանցիներին։ Այսօր ՀԱԵ Տավուշի թեմի առաջնորդ Բագրատ արքեպիսկոպոս Գալստանյանի, պատգամավորների մուտքը գյուղ արգելվել էր ոստիկանների կողմից։

«Ես կյանքում այդպես չեմ տեսել այս գյուղը։  Մարդիկ թաքնվել են իրենց անկյուններում ու մեռելի պես ապրում են, այդ մարդկանց հոգին են սպանել, տարել են մարդկանց պատիվը։ Երբ իմացան գյուղում եմ, միանգամից հավաքվեցին։ Բոլորի խնդրանքն էր՝ այս աղետը պետք է կանգնի»։

Սրբազանը փոխանցեց, որ գյուղացիների խնդրանքն է՝ մենակ չթողնենք իրենց։

«Չենք թողնելու։ Այդ արցունքների, ողբերգության պատասխանը պետք է տրվի։

Ասացին` մենք ձեր թիկունքին կանգնած ենք, գնացեք մինչև վերջ, չթողնեք ,որ այս իրավիճակը տարածվի ամբողջ Հայաստանով մեկ»,- ասաց Բագրատ Սրբազանը։