Ձեր վստահելի աղբյուրը

«Մեր գյուղում առանց մեռել, սուգ է։ Մեր գյուղում այս պահին սուգ է, սգում ենք, տանջվում ենք մեր գյուղի, մեր հողի համար»,-ասում է Կիրանցի բնակիչ Խանում Թամրազյանը։

Նա Կիրանց գյուղի եկեղեցու մոտ է՝  Տավուշի թեմի առաջնորդ, «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանի հետ հանդիպմանը։ 

«Իմ հորական հողում սյուն են տնկել, վաղն ուզում եմ ինձ իմ տանից հանել, ես իմ տանից դուրս չեմ գալու։ Ուղղակի խնդրում եմ իմ ժողովուրդը կանգնի իմ թիկունքին, ես իմ տանից դուրս չեմ գալու։ Ես կկանգնեմ, սահմանապահ զորքի հետ կծառայեմ, ոչ մեկից չեմ վախենում։

Մենք դարպաս ենք եղել հայրենիքի համար։ Մեզ ճնշելով՝ բացեցին այդ դարպասները, Հայաստանի համար վատ է լինելու»,- ասաց տիկին Խանումը։

Կիրանցի մեկ այլ բնակիչ ասաց. «Ամոթ այն մարդկանց, ովքեր դավաճանել են իրենց ազգին։  Սրիկա շան որդիներ են։ Պետք է կանգնենք մեր սրբազանի կողքին»։