Ձեր վստահելի աղբյուրը

Թատերագիր, դերասան Վահրամ Սահակյանը մայիսի 26-ին ժամը 16։00-ին լինելու է Հանրապետության հրապարակում՝ «Տավուշը հանուն հայրենիքի» շարժման հանրահավաքին։

«Քանի որ ես հայ եմ ու բոլոր հայերը մայիսի 26-ին լինելու են հրապարակում, ուրեմն ես նույնպես պետք է լինեմ հրապարակում, որովհետև եթե այսպես շարունակվի, որոշ ժամանակ անց Հայաստան չի լինի»,- ասում է Սահակյանը։

Արդեն հայտնել ենք, որ  մշակութային գործիչները միացել են «Տավուշը հանուն հայրենիքի» շարժմանը ու կոչ են անում բոլորին մայիսի 26-ին լինել Հանրապետության հրապարակում։

Ջազ երաժիշտ, դիրիժոր, արվեստի վաստակավոր գործիչ Արմեն Հյուսնունց. «Ճշմարտության հաղթանակի և ստի ավարտի համար ես կլինեմ Հանրապետության հրապարակում մայիսի 26-ին՝ ժամը 16:00-ին»։

Բեմադրիչ, ՀՀ արվեստի վաստակավոր գործիչ Ժիրայր Դադասյան. «Մեր ժողովրդի համար արժանապատվությունը՝ անխուսափելի է, օդ ու ջրի պես անհրաժեշտ»։

Կինոռեժիսոր, «Հայոց ազգային գվարդիա» ՀԿ ղեկավար Արշակ Զաքարյան. «Ես պարտավոր եմ իմ սերունդներին ժառանգել ավելի լավ Հայրենիք, քան ինքս եմ ստացել»։

«Մայիսի 26-ին կլինի մեր կարևոր հանրահավաքը։ Ամսի 27-ին կմեկնարկեն մեր կոնկրետ նախաձեռնությունները»,- օրեր առաջ հայտարարել էր շարժման առաջնորդ, ՀԱԵ Տավուշի թեմի առաջնորդ Բագրատ արքեպիսկոպոս Գալստանյանը։